Oficina Central di Estadistica ta presenta e resultadonan principal di e cifranan di importacion y exportacion, dos kwartaal 2024.

Importacion total

Importacion total, den peso, a registra un aumento di 22.2 mln. kg (12.5%) den e dos kwartaal di 2024 (200.0 mln. kg) compara cu e mesun periodo den 2023 (177.7 mln. kg), den balor, el a subi cu 48.6 mln. (7.0%) di Afl. 696.2 mln. pa Afl. 744.7 mln.

Importacion pa e area liber di Aruba* (peso)

Importacion pa e area liber di Aruba pa e dos kwartaal di 2024, den peso, a subi cu 22.2 mln. kg (12.7%) di 174.9 mln. kg na 2023 pa 197.2 mln. kg na 2024. Durante e periodo aki dies (10) di e bintiun (21) seccionnan, a registra aumento den importacion den peso pa e area liber di Aruba.

A registra e aumento mas grandi den e seccion “Productonan mineral” 24.6 mln. kg (24.5%). A registra e caida mas grandi den e seccion “Productonan alimenticio” -1.8 mln. kg (-9.5%).

Importacion pa e area liber di Aruba* (balor)

Importacion pa e area liber di Aruba pa di dos kwartaal di 2024, den balor, a subi cu Afl. 41.5 mln. (6.2%) di Afl. 664.0 mln. na 2023 pa Afl. 705.5 mln. na 2024. Durante e periodo aki diestres (13) di e bintiun seccionnan, a registra aumento den importacion den balor pa e area liber di Aruba.

E aumento den importacion pa e area liber di Aruba a ser causa principalmente door di aumentonan di Afl. 11.5 mln. (29.4%), Afl. 10.7 mln. (38.1%) y Afl. 9.0 mln. (9.3%) den e seccionnan “Ekiponan di transporte”, “Diferente tipo di articulonan fabrica” y “Makinaria y ekiponan electronico (nobo y renoba)”, respectivamente.

E caidanan mas grandi a ser registra den e seccionnan “Metalnan comun y trabounan deriva” Afl. -6.5 mln. (-15.9%), “Perlanan real y otro tipo di piedranan precioso” Afl. -4.2 mln. (-17.8%) y “Instrumentonan, aparatonan y ekiponan optico” Afl. -2.5 mln. (-8.6%).

Importacion pa e area di Zona Franca di Aruba

Importacion pa e area di Zona Franca di Aruba, den peso, practicamente no a registra cambio den di dos kwartaal di 2024 (2.78 mln. kg) compara cu e mesun periodo den 2023 (2.78 mln. kg). Den balor, importacion pa e area di Zona Franca di Aruba a subi cu Afl. 7.1 mln (22.0%) di Afl. 32.2 mln. pa Afl. 39.3 mln y a ser causa principalmente door di un aumento di 5.9 mln. kg (18.7%) den e seccion “Productonan alimenticio”.

E importacion (pa e area liber di Aruba) menciona anteriormente ta e resultado di Importacion via Lama y Importacion via Aire, cual tabatin e siguiente desaroyonan:

1. Importacion pa e area liber di Aruba* via Lama

Importacion via di lama pa e area liber di Aruba, den peso, a registra un aumento di 22.4 mln. kg (12.9%) den di dos kwartaal di 2024 (196.1 mln. kg) compara cu e mesun periodo den 2023 (173.7 mln. kg) y a ser causa principalmente door di un aumento den e seccion “Productonan mineral” 24.6 mln. kg (24.5%).

Den balor, importacion via di lama pa e area di liber di Aruba a subi cu Afl. 46.9 mln. (8.5%) di Afl. 553.3 mln. pa Afl.600.1 mln. y a ser causa principalmente door di aumentonan di, Afl.11.6 mln. (30.7%) y Afl. 11.2 (42.5%) den e seccionnan “Ekiponan di transporte” y “Diferente tipo di articulonan fabrica”, respectivamente.

2. Importacion pa e area liber di Aruba* via Aire

Importacion via di aire pa e area liber di Aruba, den peso, a registra un ciada di 0.1 mln. kg (-9.8%) den di dos kwartaal di 2024 (1.1 mln. kg) compara cu e mesun periodo den 2023 (1.2 mln. kg) y a ser causa principalmente door di un caida di 0.05 mln. kg (-27.8%) den e seccion “Fibranan y articulonan textil”.

Den balor, importacion via di aire pa e area di liber di Aruba a cay cu Afl. 5.4 mln. (-4.9%) di Afl. 110.7 mln. pa Afl. 105.3 mln y a ser causa principalmente door di un caida di Afl. 4.3 mln. (-18.7%) den e seccion “Perlanan real y otro tipo di piedranan precioso”.

Importacion pa e area liber di Aruba pa “Companianan grandi”

Importacion pa “Companianan grandi”, den peso, a subi cu 0.5 mln. kg (1.7%), di 25.8 mln. kg den di dos kwartaal di 2023 pa 26.3 mln. kg den di dos kwartaal di 2024 y a ser causa principalmente door di un aumento di 0.6 mln. kg (2.3%) den e seccion “Productonan mineral”.

Den balor, importacion pa “Companianan grandi”, a cay cu Afl. 8.2 mln. (-10.7%) di Afl. 76.2 mln. pa Afl. 68.1 mln y a ser causa principalmente door di caidanan di Afl. -5.2 mln. (-21.6%) y Afl. -2.3 (-56.6%) den e seccionnan “Makinaria y ekiponan electronico (nobo y renoba)” y ”Metalnan comun y trabounan deriva”.

Exportacion total

Exportacion total, den peso, a registra un aumento di 0.6 mln. kg (8.6%) den e dos kwartaal di 2024 (7.8 mln. kg) compara cu e mesun periodo di 2023 (7.2 mln. kg), mientras, den balor, el a subi cu 2.4 mln. (4.9%) di Afl. 48.8 mln. pa Afl. 51.2 mln.

Exportacion for di area liber di Aruba* (peso)
 Exportacion for di e area liber di Aruba, den peso, a registra un aumento di 0.4 mln. kg (8.7%) den e dos kwartaal di 2024 (5.4 mln. kg) compara cu e mesun periodo den 2023 (5.0 mln. kg). Diestres (13) di e bintiun (21) seccionnan, a registra aumento den exportacion den peso pa e area liber di Aruba. E aumento mas grandi ta den e seccion “Metalnan comun y trabounan deriva” 0.4 mln. kg (19.7%).

E caida mas grandi a ser registra den e seccion “Materialnan pa fabricacion di papel y materialnan di papel” -0.3 mln. kg. (-26.5%).

Exportacion for di area liber di Aruba* (balor)

Exportacion for di e area liber di Aruba, den balor, a registra un caida di Afl. 1.8 mln. (-8.3%) den e dos kwartaal di 2024 Afl. 19.6 mln. compara cu e mesun periodo den 2023 (Afl. 21.4 mln. kg). Dies (10) di e bintiun (21) seccionnan, a registra caida den exportacion den balor pa e area liber di Aruba. E caida mas grandi ta den e seccion “Metalnan comun y trabounan deriva” Afl. -4.5 mln. (-69.6 %). E aumento mas grandi ta den e seccion “Perlanan real y otro tipo di piedranan precioso” Afl. 1.0 mln. (23.6).

Exportacion for di e area di Zona Franca di Aruba

Exportacion for di e area di Zona Franca di Aruba, den peso, a registra un aumento di 0.2 mln. kg (8.4%) den di dos kwartaal di 2024 (2.4 mln. kg) compara cu e mesun periodo den 2023 (2.2 mln. kg) y a ser causa principalmente door di un aumento di 0.2 mln. kg (8.1%) den e seccion “Productonan alimenticio”.

Den balor, exportacion for di e area Zona Franca di Aruba a subi cu Afl. 4.1 mln. (15.1%) di Afl. 27.4 mln. pa Afl. 31.6 mln. y a ser causa principalmente door di un aumento di Afl. 4.1 mln. (15.0%) den e seccion “Productonan alimenticio”.