Recientemente, Oficina Central di Estadistitca a publica e Indice di Prijs di Consumo (CPI) pa e periodo Februari 2024 – Februari 2025. Den esaki a destaca un aumento den e bestaansminimum. CBS ta defini un bestaansminimum como e nivel minimo di entrada cu ta wordo percibi necesario pa un persona of famia por funciona den sociedad di un manera adecuado y socialmente aceptabel.

Den e ultimo diesdos (12) luna, e CPI a subi cu 0.5%, unda seis (6) di e diesdos (12) sector a registra aumento di prijs. E subidanan cu tabatin e mayor efecto riba e CPI a wordo registra pa e sectornan di “Transporte” (4.0%), “Restante bienes y servicio” (1.4%), “Cuminda y bebida no-alcoholico” (1.1%) (“Restaurant y hotel” (2.4%) y “Comunicacion” (1.3%), causando un efecto di respectivamente, 0.50, 0.17, 0.13, 0,12 y 0,12 ppt. E aumento den e sector restante a contribui cu un efecto di 0.01 ppt riba e CPI di Februari 2024 – Februari 2025.

E subidanan aki a wordo contraresta parcialmente door di principalmente reduccion den e indicenan di e sectornan di “Recreacion y cultura” (-3.4%) y “Mobilario” (-2.3%), cu a contribui cu un efecto di respectivamente, -0.31 y -0.21 ppt. E reduccion den e sectornan restante a contribui cu un efecto di -0.06 ppt riba e CPI di Februari 2024 – Februari 2025.

E aumento den e sector di “Transporte” a wordo causa principalmente door di un aumento di 12.0% den e categoria “Compra di vehiculo”, causando un efecto di 0.49 ppt. E aumento den e sector di “Restante bienes y servicio” a wordo causa door di un aumento den e categoria “Otro articulonan personal” (16.3%), causando un efecto di 0.17.

E aumento den e sector di “Cuminda y bebida no-alcoholico” a wordo causa principalmente door di un aumento di 0.9% den e categoria “Cuminda”, causando un efecto di 0.10. E aumento den e sector di “Restaurant y hotel” a wordo causa door di un aumento den e categoria “Cuminda pafo di cas” (2.7%), causando un efecto di 0.13 ppt.

E aumento den e sector di “Comunicacion” a wordo causa principalmente door di un aumento di 38.0% den e categoria “Ekipo di telefon y fax”, causando un efecto di 0.11 ppt. E reduccion den e sector di “Recreacion y cultura” a wordo causa principalmente door di un reduccion di 9.8% den e categoria “Vacacion”, causando un efecto di -0.25 ppt. E reduccion den e sector di “Mobilario” a wordo causa principalmente door di un reduccion den e categoria “Aparato pa uso domestico” (-13.1%), causando un efecto di -0.32 ppt.

Canasta di consumo

Den e ultimo aña cu a pasa 46.1% di productonan den e canasta di consumo di e CPI a conoce un aumento di prijs causando un efecto di 2.43 ppt, mientras cu 43.1% ta mustra un reduccion di prijs, cu a contribui cu un efecto di -1.95 ppt y pa e restante 10.8% no tabatin cambio den prijs. E indicenan di “Bienes” (0.4%) y

“Servicionan” (0.5%) a registra subidanan, causando un efecto di respectivamente, 0.25 y 0.22 ppt.

Bestaansminimum

Den e ultimo diesdos (12) luna e bestaansminimum pa un hogar consistiendo di dos (2) adulto y dos (2) mucha (edad 0-15 aña) a registra un aumento di Afl. 32, di Afl. 5,462 na Februari 2024 pa Afl. 5,494 na Februari 2025. E aumentoaki a wordo causa principalmente door di subidanan den e sector di “Cuminda y

bebida no-alcoholico” (Afl. 25) y “Transporte” (Afl. 13). Cambio di prijs di petroleo, utilidad, gasolin y diesel E prijs promedio pa bari di petroleo a conoce un reduccion di US$ 5.37 (-7.0%) di US$ 76.93 na Februari 2024 pa US$ 71.56 na Februari 2025.

E indice di Energia a baha cu 2.3% den e ultimo aña y a causa un efecto di -0.39 ppt. E indicenan di “Gasolin” (-1.5%) y “Diesel” (-4.2%) a registra reduccion, causando un efecto di respectivamente, -0.07 y -0.01 ppt riba e CPI. E indice di “Electricidad” a registra un reduccion di 4.0%, causando un efecto di -0.31 ppt, mientras cu e indice di “Awa” no a registra cambio. E restante 404 bienes y servicio hunto, a conoce un aumento di 1.0% y tabatin hunto un efecto di 0.87 ppt.

Cambio di prijs di Cuminda y servicio di catering

Den e ultimo diesdos (12) luna e indice di “Cuminda & servicio di catering” a subi cu 1.6%. E indice di “Cuminda na cas” a conoce un aumento di 1.1%, unda ocho (8) di e diesun (11) indicenan di e gruponan di “Cuminda na cas” a subi durante e periodo aki. E indice di “Batata, yuca y batata dushi” a conoce un aumento di 2.5%, e aumento mas grandi entre e gruponan di “Cuminda na cas”. Ademas, otro subidanan significante a wordo registra den e indicenan di “Bebida no-alcoholico” (2.4%), “Fruta” (2.1%), “Carni” (1.9%) y “Pan y otro productonan di grano” (1.6%). E reduccion mas grandi durante e periodo aki a wordo registra den e indice di “Berdura” (-3.8%). E indice di “Cuminda pafo di cas” a registra un aumento di 2.7% den e ultimo diesdos (12) luna. Den e ultimo diesdos (12) luna, “Cuminda na cas” y “Cuminda pafo di cas” como grupo, tabatin un aumento di prijs di 1.6% y hunto tabatin un influencia di 0.26 ppt riba e CPI, mientras cu e restante bienes y servicio hunto a experencia un aumento di prijs di 0.3% y tabatin un efecto di 0.21 ppt riba e CPI.