Recientemente, Oficina Central di Estadistica a publica su rapport “Statistical overview of Aruba”, cu ta inclui datonan te cu aña 2023. Den e seccion tocante “Asunto Social,” CBS a indica cu e cantidad di persona ricibiendo asistencia social a aumenta cu 11 porciento na 2023, compara cu 2022.
E cifranan basa riba datonan reporta pa Svb, di 2015 te 2023, ta duna un bista riba e tendencianan den e seguro general di biehes, seguro pa viuda y huerfano, seguro pa accidente y seguro pa malesa.
Pa seguro pa biehes, contribucionnan generalmente a aumenta durante añanan, cuminsando na Afl. 273,446 na 2015 y alcansando Afl. 328,848 na 2023. Un reduccion notable a sucede na 2020, cu contribucionnan bahando na Afl. 276,074, probablemente influencia pa interupcionnan economico. Beneficionan a sigui un tendencia similar, aumentando di Afl. 266,771 na 2015 pa Afl. 309,686 na 2023, cu un peak di Afl. 294,543 na 2022.
Seguro general pa viuda y huerfano tambe a registra crecemento gradual. Contribucionnan a varia entre
Afl. 18,824 na 2016 y Afl. 22,653 na 2023. Sinembargo, beneficionan a mustra volatilidad, bahando di
Afl. 17,369 na 2015 pa Afl. 13,949 na 2016, prome cu bolbe aumenta na Afl. 19,512 in 2023.
Den e caso di seguro di accidente, contribucion a keda relativamente stabiel, aumentando di Afl. 8,338 na 2015 pa Afl. 10,133 na 2023, cu fluctuacionnan menor memey. Beneficio tambe a mustra variacionnan chikito, alcansando un peak di Afl. 2,905 na 2017 prome cu un baha un tiki y despues bolbe aumenta na
Afl. 2,840 na 2023.
Contribucionnan di seguro di malesa a mustra un aumento stabiel, aumendando for di Afl. 26,641 na 2015 pa Afl. 32,658 na 2023, a pesar di un caida na 2020 (Afl. 27,680). Beneficionan pa seguro di malesa tambe a mustra variacion, cu un peak di Afl. 28,257 na 2019 prome cu un caida leve, y alcansando Afl. 25,432 na 2023.
En general, e datonan ta indica un tendencia di aumento den contribucion y beneficio den tur categoria, cu algun setback na 2020 causa probablemente pa impacto economico. E cifranan preliminar pa 2023 ta sugeri un crecemento continuo den contribucion y beneficio di seguridad social na Aruba.
APFA
Fondo General di Pensioen, APFA, a reporta e cantidad di individuo ricibiendo pensioen di 2015-2022. E
Den e periodo aki, e cantidad total di pensionado a aumenta gradualmente, aumentando di 3,737 na 2015 pa 4,219 na 2022. E crecemento stabiel aki ta refleha un tendencia mas amplio di un poblacion birando bieu hayando acceso na pensioen.
Pa pensionado cu ta casa, e cantidad di homber a varia levemente, alcansando un peak di 1,721 na 2016 prome cu baha gradualmente na 1,630 na 2022. A observa un tendencia similar entre e muhenan, aumentando di 977 na 2015 pa 1,116 na 2018, prome cu baha na 1,046 na 2022.
E suma total di pensioen aloca pa pensionadonan cas a sigui e patronchi di variacion, cuminsando na Afl. 8,573,000 na 2015 y alcansando un peak di Afl. 9.664.000 na 2021, prome cu baha levemente na Afl. 9.500,000 na 2022.
Pa pensionadonan soltero, e cantidad di homber a aumenta stabiel di 198 na 2015 pa 280 na 2022. Mientras tanto, e muhenan a mustra aumento significante, di 465 na 2015 pa 855 na 2022, reflehando un aumento den e proporcion di muhe soltero pensionado.
E suma di pension pa soltero a aumenta paralel, di Afl. 1,828,000 na 2015 pa Afl. 3,432,000 na 2022, marcando un aumento substancial durante e periodo.
Entre e divorciadonan, e cantidad di homber a mira un caida gradual di 222 na 2015 pa 196 na 2022, mientras e muhenan a keda relativamente stabiel, variando rond di 186-223 durante añanan.
E suma di pensioen pa divorciado a registra variacionnan level, alcansando Afl. 1,246,000 na 2021 prome cu baha levemente pa Afl. 1,226,000 na 2022.
