Oficina Central di Estadistica ta presenta e resultadonan principal di e cifranan di importacion y exportacion, di tres kwartaal 2023.

Exportacion total

Exportacion total, den peso, a registra un subida di 0.3 mln. kg (3.4%) den di tres kwartaal di 2023 (8.1 mln. kg) compara cu e mesun periodo di 2022 (7.9 mln. kg), mientras, den balor, ela subi cu Afl. 0.2 mln. (0.5%) di Afl. 48.3 mln. pa Afl. 48.5 mln.

Exportacion for di area liber di Aruba* (peso)

Exportacion for di e area liber di Aruba, den peso, a registra un subida di 0.2 mln. kg (4.2%) den di tres kwartaal di 2023 (5.9 mln. kg) compara cu e mesun periodo den 2022 (5.7 mln. kg). Dies (10) di e bintiun (21) seccion, a registra subida den exportacion den peso pa e area liber di Aruba. E subida mas grandi a wordo registra den e seccion “Productonan alimenticio” 0.3 mln. Kg.(43.2%). E caida mas grandi a wordo registra den e seccion “Obranan di piedra, gips, cement of asbest” -0.1 mln. kg. (-98.1%).

Exportacion for di area liber di Aruba* (balor)

Exportacion for di e area liber di Aruba, den balor, a registra un subida di Afl. 0.8 mln. (4.6%) den di tres kwartaal di 2023 Afl. 19.4 mln. compara cu e mesun periodo den 2022 (Afl. 18.6 mln. kg). Diescuater (14) di e bintiun (21) seccionnan, a registra subida den exportacion den balor pa e area liber di Aruba. E subidanan mas grandi a wordo registra den e seccionnan “Metalnan comun y trabaonan deriva” Afl. 1.3 mln. (48.1%) y “Perlanan real y otro tipo di piedranan precioso” Afl. 0.6 mln. (16.5%). E caidanan mas grandi a wordo registra den e seccionnan “Makinaria y ekiponan electronico (nobo y renoba)” Afl. -1.9 mln. (-50.6%), Obhetonan di arte, piezanan di coleccion y antiguedadnan” Afl. -0.4 mln. (-12.6%) y “Ekiponan di transporte” Afl. -0.4 mln. (-33.8%)..

Exportacion for di e area di Zona Franca di Aruba

Exportacion for di e area di Zona Franca di Aruba, den peso, a registra un subida di 0.03 mln. kg (1.2%) den di tres kwartaal di 2023 (2.23 mln. kg) compara cu e mesun periodo den 2022 (2.20 mln. kg.) y a wordo causa principalmente door di un subida di 0.03 mln. kg (1.4%) den e seccion “Productonan alimenticio”. Den balor, exportacion for di e area Zona Franca di Aruba a cay cu Afl. 0.6 mln. (-2.0%) di Afl. 29.7 mln. pa Afl. 29.1 mln. y a wordo causa principalmente door di un caida di Afl. 0.6 mln. (-1.9%) den e seccion “Productonan alimenticio”.