CBS: Aumento di 0.1% den CPI na luna di october

Oficina Central di Estadistica ta presenta e resultadonan principal di e Indice di Prijs di Consumo (CPI) pa luna di October 2023. Den esaki a destaca un aumento di 0.1 porciento den CPI compara cu un luna prome.

Indice di Prijs di Consumo pa luna di October 2023

E CPI pa luna di October 2023 ta 108.14, loke ta representa un aumento di 0.1% compara cu e indice di September 2023 (108.00).

E cambio di e CPI pa e ultimo diesdos (12) luna (October 2022 te cu October 2023) ta 1.7%, un caida di 5.3 punto di porcentahe (ppt) compara cu e periodo corespondiente di aña pasa (7.0%).

E promedio anual (ultimo 24 luna) di e tasa di inflacion pa e periodonan di October 2021 te cu October 2022 y October 2022 te cu October 2023 ta 4.1%, un caida di 1.0 ppt compara cu e 5.1% registra den e periodonan di October 2020 te cu October 2021 y October 2021 te cu October 2022.

Durante e luna aki, seis (6) di e diesdos (12) sector a registra aumento di prijs. E aumento cu tabatin e mayor efecto riba e CPI a wordo registra pa e sectornan di “Recreacion y cultura” (1.5%) y “Mobilario” (0.9%), causando un efecto di respectivamente, 0.13 y 0.08 ppt. E aumentonan den e restante sectornan a contribui cu un efecto di 0.04 ppt riba e CPI di October 2023.

E aumentonan aki a wordo contraresta parcialmente door di principalmente caida den e indice di e sectornan di “Comunicacion” (-0.5%) y “Vivienda” (-0.2%) cu a contribui cada uno cu un efecto di -0.04 ppt riba e CPI di October 2023. E caida den sectornan restante a contribui cu un efecto di -0.03 ppt riba e CPI di October 2023.

E aumento den e sector di “Recreacion y cultura” a wordo causa principalmente door di un aumento di 4.7% den e categoria “Vacacion”, causando un efecto di 0.10 ppt. E aumento den e sector di “Mobilario” a wordo causa principalmente door di un aumento den e categoria “Aparato pa uso domestico” (2.3%), causando un efecto di 0.06 ppt.

E caida den e sector di “Comunicacion” a wordo causa door di un caida den e categoria “Ekipo di telefon y fax” (-13.7%), causando un efecto di -0.04 ppt. E caida den e sector di “Vivienda” a wordo causa door di un caida den e categoria “Mantencion y reparacion di vivienda” (-0.8%), causando un efecto di -0.05 ppt.