Recientemente, CBS a publica e Indice di Prijs di Consumo pa e period November 2022 – November 2023. Den esaki, a destaca cu 58.8% di producto den canasta di consumo a conoce aumento di prijs y e bestaansminimum pa famia a aumenta cu 85 florin.

Indice di Prijs di Consumo

Den e ultimo diesdos (12) luna, e CPI a subi cu 1.7%, unda nuebe (9) di e diesdos (12) sector a registra subida di prijs. E subida cu tabatin e mayor efecto riba e CPI a wordo registra pa e sectornan di “Comunicacion” (21.1%), “Restante bienes y servicio” (3.1%), “Vivienda” (1.4%), “Restaurant y hotel” (7.6%), “Educacion” (25.2%) y “Cuminda y bebida no-alcoholico” (1.8%) causando un efecto di respectivamente, 1.54, 0.36, 0.36, 0.35, 0.24 y 0.21 ppt. E subida den e restante sectornan a contribui cu un efecto di 0.17 ppt riba e CPI di November 2022 – November 2023.

E subidanan aki a wordo contraresta parcialmente door di principalmente un caida den e indice di e sector di “Transporte” (-7.7%), cu a contribui cu un efecto di -1.09 ppt. E caidanan den e restante sectornan a contribui cu un efecto di -0.41 ppt riba e CPI di November 2022 – November 2023.

E subida den e sector di “Comunicacion” a wordo causa door di un subida di 22.7% den e categoria “Servicio di telefon y fax”, causando un efecto di 1.59 ppt. E subida den e sector di “Restante bienes y servicio” a wordo causa principalmente door di un subida den e categoria “Cuido personal” (5.3%), causando un efecto di

0.21 ppt. E subida den e sector di “Vivienda” a wordo causa principalmente door di un subida di 15.0% den e categoria “Mantencion y reparacion di vivienda”, causando un efecto di 0.78 ppt. E subida den e sector di “Restaurant y hotel” a wordo causa door di un subida di 8.0% den e categoria “Cuminda pafo di cas”, causando un efecto di 0.36 ppt. E subida den e sector di “Educacion” a wordo causa door di subida den e categorianan “Educacion secundario” (32.0%) y “Educacion preescolar y basico” (42.9%), causando un efecto di respectivamente, 0.14 y 0.10 ppt. E subida den e sector di “Cuminda y bebida no- alcoholico” a wordo causa door di subida den e categorianan “Cuminda” (1.3%) y “Bebida no-alcoholico” (5.7%), causando un efecto di respectivamente, 0.13 y 0.08 ppt. E caida den e sector di “Transporte” a wordo causa principalmente door di un caida di 16.5% den e categoria “Compra di vehiculo”, causando un efecto di -0.82 ppt.

Canasta di consumo

Den e ultimo aña cu a pasa 58.8% di producto den e canasta di consumo di e CPI a conoce un aumento di prijs causando un efecto di 5.28 ppt, mientras cu 35.5% ta mustra un caida di prijs, cu a contribui cu un efecto di -3.55 ppt y pa e restante 5.6% no tabatin cambio den prijs. E indice di “Bienes” (-1.3%) a registra caida, causando un efecto di -0.79 ppt, mientras cu e indice di “Servicionan” a registra un subida di 6.3% y a causa un efecto di 2.53 ppt.

Bestaansminimum

Den e ultimo diesdos (12) luna e bestaansminimum pa un hogar consistiendo di dos (2) adulto y dos (2) mucha (edad 0-15 aña) a registra un subida di Afl. 85, di Afl. 5,362 na November 2022 pa Afl. 5,447 na November 2023. E subida aki a wordo causaprincipalmente door di subida den e sectornan di “Cuminda y bebida no-alcoholico” (Afl. 40) y “Comunicacion” (Afl. 29).

Cambio di prijs di petroleo, utilidad, gasolin y diesel

E prijs promedio pa bari di petroleo a conoce un caida di US$ 6.60 (-7.8%) di US$ 85.08 na November 2022 pa US$ 78.48 na November 2023.

E indice di Energia a baha cu 5.6% den e ultimo aña y a causa un efecto di -1.03 ppt. E indice di “Gasolin” (-7.6%) a registra un caida, causando un efecto di -0.40 ppt, mientras cu e indice di “Diesel” (-13.0%) a registra un caida, causando un efecto di -0.06 riba e CPI. E indice di “Electricidad” (-6.8%) a registra caida, causando un efecto di -0.57 ppt, mientras cu e indice di “Awa” no a registra cambio. E restante 404 bienes y servicio hunto, a conoce un subida di 3.4% y tabatin hunto un efecto di 2.76 ppt.

 

Den e ultimo diesdos (12) luna e indice di “Cuminda & servicio di catering” a subi cu 3.6%. E indice di “Cuminda na cas” a conoce un subida di 1.8%, unda cinco (5) di e diesun (11) indice di e gruponan di “Cuminda na cas” a subi durante e periodo aki.

E indice di “Sucu, jam y otro tipo di cos dushi” a conoce un subida di 13.9%, e subida mas grandi entre e gruponan di “Cuminda na cas”. Ademas otro subida a wordo registra den e indicenan di “Restante productonan pa alimentacion” (11.4%), “Pan y otro productonan di grano” (6.8%), “Bebida no-alcoholico” (5.7%) y

“Lechi, keshi y webo” (2.3%). E caida mas grandi durante e periodo aki a wordo registra den e indice di “Batata, yuca y batata dushi” (-5.3%).

E indice di “Cuminda pafo di cas” a registra un subida di 8.0% den e ultimo diesdos (12) luna.