Na comienso di luna Central Bureau of Statistics Aruba (CBS) a saca nan resumen di luna di estadistica di comercio exterior. Den e documento aki ta duna un splicacion amplio di e calculacionnan y estadisticanan y costonan di exportacion y importacion di productonan.

E proposito di e revision mensual aki ta pa gobierno, organisacionnan y individuonan reconoce e importancia di usa hallazgonan estadístico pa tuma decision basa riba evidencia. Pa e motibo ey CBS ta remarca ta importante pa pone estadisticanan oficial disponibel pa tur usuario poco despues di e periodo di referencianan. E proposito principal di e revision mensual aki ta pa mehora e rapides den e difusion di estadisticanan di comercio internacional di mercancia, pa medio di publicacion di calculacionnan provisional di total di importacion y exportacion.

Ora informacion nobo y mas preciso bira disponibel, e cifranan provisional aki ta ser coregi pa beneficio di e usuarionan. E revision aki di CBS ta wordo dividi den tres parti y ta presenta e estadisticanan di comercio pa augustus 2023 en comparacion cu juli 2023, december 2022 y augustus 2022. E ta presenta tambe e data di comercio pa e luna di augustus y e total di e aña (di januari te cu augustus) pa e añanan 2019 te xu 2023.

E calculacionnan di e total di importacion y exportacion ta ser presenta segun seccionnan y gruponan, cual ta psrti uno, paisnan partner mayor, parti dos y productonan di cuminda y no cuminsda, parti tres.

For di januari 2009, CBS ta procesa datonan di comercio (registro di aduana) segun e Sistema Armonisa (Harmonized System, HS), cual ta un nomenclatura internacional pa clasificacion di productonan. Esaki ta permiti paisnan clasifica bienesnan cmercialisa ariba un base comun pa propositonan di aduana.

Tin mas o menos 5,300 descpricion di productonan cu ta aparece como título y sub-titulo, aregla den 99 capitulo y agrupa den 21 seccion. CBS ta agrupa e 21 seccionnan mas leu den 5 grupo. Na nivel internacional, e HS pa clasificacion di productonan ta un sistema di codigo di seisnumber.

E HS ta permiti comparacion internacional di estadisticanan di comercio. Pa satisface necesidad di usuarionan, CBS tambe a crea un clasificacion di productonan (segmentonan) di cuminda y no-cuminda usando e sistema di codigo di seis number di e HS.

Pa loke ta e teritorio estadistico di Aruba, e teritorio riba cual ta compila datonan di comercio, ta consisti di e area di circulacion liber y e Zona Liber (Free Zone, FZ). E circulacion liber ta defini con e area unda productonan importa ta permiti pa drenta, despues di paga derechonan di importacion y impuesto y cumpli cu tur e formalidadnan di Aduana necesario. Ora nan drenta importacion of sali (exportacion) for di e teritorio economico di Aruba, nan lo agrega of kita for di e stok di Aruba su resursonan material.

Mientras, productonan cu drenta den e FZ ta wordo considera como afo di teritorio di Aduana y no mester paga derechonan di importacion y impuesto, tampoco nan no ta agrega of kita for di e stok di resursonan material di pais Aruba. FZ generalmente ta wordo usa pa mehora con e producto ta paketa of calidad marcabel di productonan of simplemente prepara nan pa manda nan mas leu.

CBS ta splica cu estadisticanan di comercio pa paisnan partner tin un balor analitcio of significante y nan ta wordo usa entre otro pa: analisis di tendencianan economico y patronchinan di comercio regional, calculacion di parti di e mercado, tuma decisionnan empresarial y compilacioon di cuenta nacional y balans di pagonan.

Estadisticanan Internacional di comercio di Mercancia (IMTS) ta recomenda pa atribui importacionnan na e pais di origen di e productonan, kiermen e pais unda e productonan a wordo produci of fabrica. Den caso di exportacion, ta recomenda pa registra e pais di ultimo destinacion conoci. E informacion cu ta wordo haya riba e declaracion di aduana ta wordo usa pa identifica e pais di origen pa importacionnan y e pais di ultimo destinacion conoci pa exportacionnan.

CBS ta indica cu pa loke ta e balor estadistico di productonan comercial, ta e balor asigna na productonan pa e compilador di estadistica di comercio. E productonan importa ta wordo evalua usando e tipo di evaluacion “Costo, seguro y flete: (CIF), mientras tanto e productonan exporta ta wordo evalua usando e tipo di e evaluacion “liber na bordo” (FOB). E CIF ta consisti di tres componente, mientras e FOB ta contene solamente dos componente.

E componentenan aki ta e balor di transaccion di e productonan, e balor di servicio ehecuta pa entrega e productonan na frontera di e pais exportador, e balor di servicio ehecuta pa entrega e productonan for di frontera di e pais exportador pa frontera di e pais importador.

Costonan cu ta cay bao componente dos ta costonan cu ta tuma luga mientras cu e productonan ta den e pais exportado.

E costonannan aki ta e costo di cargamento, costo di transportacion,costo di seguro y costo di declaracion di aduana.

Costonan cu ta cay bao componente tres ta costonan cu tuma luga mientras cu e productonan ta den transporte internacional.

E Costonan aki ta costo di transportacion y costo di seguro.