En conexion cu e celebracion di Dia Internacional di Idioma Materno, Central Bureau Statistics Aruba (CBS) a presenta diferente grafico unda ta mustra con e poblacion na Aruba tin e habilidad di papia papiamento.
CBS ta señala cu e informacion aki ta trata di data presenta den e grafico aki ta basa riba e encuesta di Forza Laboral 2022 den cual e participantenan a raporta nan habilidad di papia, lesa y skirbi den Papiamento, Ingles, Hulandes y Spaño.
Di e poblacion di 15 aña bay ariba na Aruba, 89% ta papia papiamento hopi bon of bon, 8% ni bon ni malo, 2% malo of hopi malo y 1% no ta papia papiamento mes.
Habilidad den papiamento pa pais di nacemento ta indica cu 99% di esnan naci na Aruba riba 15 aña y 73% di esnan naci den exterior riba 15 aña ta papia papiamento hopi bon.
96% di esnan naci na Aruba riba 15 aña y 70% di esnan na den exterior por lesa of skirbi papiamento hopi bon of bon.
Pa loke ta trata actividad economico, 89% di personanan cu empleo ta papia papiamento hopi bon of bon, 84% di esnan desemplea tambe ta papia papiamento hopi bon y di e categoria inactivo 89% ta papia papiamento hopi bon of bon.
66% di e poblacion di 15 aña bay ariba ta papia Ingles hopi bon, 82% di esnan naci na Aruba di 15 aña bay ariba y 42% di esnan naci den exterior di 15 aña bay ariba ta papia Ingles hopi bon.
68% di personanan cu empleo ta papia Ingles hopi bon, 54% di esnan desemplea tambe ta papia Ingles hopi bon y 65% di esnan inactivo ta papia Ingles hopi bon.
80% di e poblacion di Aruba ariba 15 aña ta papia Spaño hopi bon, 79% di personanan naci na Aruba y 82% di esnan naci den exterior ta papia Spaño hopi bon.
59% di e poblacion di Aruba ta papia Hulandes hopi bon, 20% no ta papia Hulandes mes.
79% di esnan naci na Aruba ariba 15 aña ta papia Hulandes hopi bon y 27% di personanan naci den exterior ta papia Hulandes hopi bon.
58% di personanan cu empleo ta papia Hulandes hopi bon, 44% di esnan desemplea tambe ta papia Hulandes bon y 61% di esnan inactivo ta papia Hulandes hopi bon.
