Proposito di e Operational Report ta pa duna informacion riba e resultadonan financiero di Banco Central di Aruba (CBA) pa 2023, e desaroyo y logronan principal relaciona cu nan cuatro responsabilidad central (politica, maneho di reserva, sistema di pago y bankero y consehero pa gobierno), como tambe actividadnan strategico, di gobernacion y maneho di riesgo. E di cinco responsabilidad central di CBA, esta supervision, ta cubri den e Rapport di Supervision di Sector Financiero, publica separa a base anual.

CBA ta contribui na stabilidad financiero y bienestar economico di comunidad di Aruba mediante ehecucion di su cinco responsabilidad central, deriva di su mandato legal, segun defini den Ordenansa di Banco Central (CBO) como tambe otro ordenansa relevante. E rapport di CBA tambe ta expande brevemente riba datonan di personal, actividadnan strategico clave, y logronan clave di 2023 como tambe nan enfoke pa 2024.

Estadistica di empleado

Segun e rapport, empleadonan ta e forsa tras di cumplimento completo cu e mandato legal y accionnan pa logra resiliencia inclusivo. Pa fin di 2023, CBA tabatin 108 empleado permanente, cu edad averahe di 45 aña y un antiguedad promedio di casi 13 aña. E distribucion di genero entre empleado ta predominantemente femenino. Na 2023, CBA a tuma ocho empleado permanente nobo, mientras nuebe empleado permanente a bandona e organisacion. Edad averahe di e empleadonan recluta ta 40 aña, y 75 porciento ta hende muhe. Maske CBA a ricibi hopi aplicacion a traves di su portal Trahando na CBA y a yena ocho posicion, 2023 tabatin reto adicional den recluta empleado pa motibo di e naturalesa specialisa di e vacaturanan, specialmente pa funcionnan supervisor. Na 2024, CBA tin meta pa yena e vacaturanan disponible cu contratonan nobo.

Ademas di sigura diversidad di genero, antiguedad y edad, empleadonan tin background y luga di nacemento diverso. Maske mayoria di empleado a nace na Aruba, CBA tambe tin empleado naci na Belgica, Bulgaria, China, Corsou, Republica Dominicana, Hulanda, Panama, Sint Maarten, Slovakia, Surnam, Merca, Uruguay y Venezuela. Den e sentido aki, empleadonan di CBA ta representa e comunidad Arubano general, cu ta rico den diferencianan cultural

A pesar di retonan specifico den su forsa laboral y retonan manera recurso limita y fluho saliente di conocemento experto, CBA a haci progreso significante riba hopi area.

Declaracion di presidente: cautelosamente optimista

Na 2023, despues di clima turbulento, economia Arubano finalmente a experimenta awanan algo mas trankilo. A termino corto y medio, e pronostico pa economia ta keda parcialmente solo cu riesgo di caida relaciona cu forsa di economia Mericano, disturbio geopolitico, volatilidad den prijs di petroleo, stabilidad di comercio internacional, mercado di labor y productividad domestico, y tambe cambio climatico.

Despues di peak na un nivel record na 2020, pa prome biaha den cuatro aña e deficit financiero di gobierno a bira un surplus significante na fin di 2023. Implementacion di un reforma (parcial) di impuesto, e supervision estricto di gobierno Hulandes mediante Colegio di Supervision Financiero (CAft) y e prestacion optimista di sector turistico tabata e impulso clave tras di e cambio aki.

Economia Arubano a mustra resiliencia den cara di efectonan kedando atras for di pandemia di Covid-19, guera entre Rusia y Ucrania, y e retonan envolviendo cada evento. Interupcionnan den cadena di suministro impulsa pa pandemia y e aumento di prijs di commodities pusha pa recuperacion di economia mundial y empeora pa e guera entre Rusia y Ucrania, den combinacion cu reforma domestico di impuesto, a pusha inflacion na Aruba.

Sinembargo, mientras inflacion global a baha na 2023, inflacion domestico tambe a baha.

Recuperacion economico
 A pesar di e cantidad di reto y temponan di incertidumbre, economia Arubano a keda resiliente y a continua riba su caminda stabiel pa recuperacion completo na 2023. Crecemento economico tabata impulsa pa un expansion robusto riba yegada di turista y e continuacion di aumento den loke turista ta gasta, como tambe politicanan economico adecua, likides amplio na banconan comercial y reservanan grandi di divisa.

Fin di 2023, e nivel di reserva internacional tabata riba e benchmark monitoria pa CBA, mientras exceso di likides dentro di sistema bancario a recupera na nivelnan adecua, y presion inflacionario a baha.

Comite di Politica Monetario (MPC) a suavisa su posicion di politica monetario door di baha e tasa di rekisito di reserva, pa motibo di un reduccion stabiel den exceso di likides na banconan comercial, esta di Afl. 690.3 miyon na januari 2023 te Afl. 341.5 miyon na augustus 2023, mientras nivel di reserva stranhero a keda ampliamente adecuado segun e benchmarknan relevante (Evaluacion di Adecuacion di Reserva (ARA) di Fondo Monetario Internacional y e lunanan di cobertura di pago di cuenta coriente) monitoria pa CBA.

E contraccion den exceso di likides tabata principalmente e resultado di refinanciamento local di prestamo stranhero y pago di dividendo den exterior. Consecuentemente, reduccion di e tasa di reserva rekeri (di 25.5 porciento na augustus 2023 pa 22 porciento pa december 2023) a inyecta Afl. 210.9 miyon den likides den sector di banco comercial den tempo di cuatro luna.

Na december 2023, e tasa di ARA tabata para na 110.5 porciento y e cobertura di pago di cuenta anual na 6.3 luna, a pesar di un caida den reserva stranhero. Ambos tasa tabata riba nan minimo respectivo pa adecuacion, es decir, 100 porciento di e tasa ARA y tres luna di cobertura di cuenta coriente.

Resultado financiero di CBA

E resultado financiero di CBA a mehora significantemente, es decir, di un resultado neto di Afl. 11.9 miyon na 2022, na Afl. 23.9 miyon na 2023. E resultado neto ams halto tabata en gran parti pa motibo di un aumento di entrada di interes neto. Compara cu e aña anterior, expansion den e categoria ‘net interest revenues’ tabata keda atribui principalmente na un aumento den entrada neto di interes gana pa portafolio di securities (+ Afl. 27.2 miyon), como tambe un aumento den interes ricibi riba deposito di cuenta coriente (+Afl. 1.8 miyon).

E aumento den entrada di interes den portfolio di inversion di CBA a refleha e tasa di interes halto prevaleciendo den mercadonan financiero internacional, siguiendo e reforsamento agresivoe di politica monetario di Comite Federal di Mercado Abierto (FOMC) pa baha inflacion Mericano.

Ademas, entrada di interes a beneficia di operacionnan di restructuramento di portfolio di CBA na 2023, cu a asumi pa aumenta capacidad pa genera entrada di e portfolio di inversion, como tambe reduci perdida no realisa.

Accion strategico

Aña 2023 a marca e punto di mita di e plan strategico di CBA, ‘Dilanti Biento’. Pues ta un punto clave cu ta determina con CBA ta move bay dilanti den proximo añanan. Teniendo esaki na cuenta, ambos tareanan operacional y accionnan strategico ta ser monitoria activamente, teniendo cuenta debido cu ambiente di riesgo, pa sigura cu si ta necesario, por adapta e plan strategico ‘Dilanti Biento’ pa cumpli cu su proposito.

Den linea cu su plan strategico, CBA ta boga pa regeneracion y transformacion pa facilita un comunidad Arubano inclusivo y resiliente. Na 2023, internamente, tambe tabatin logronan critico, incluyendo implementacion di e proyecto di Rediseña y Innova nos Sistema Financiero (RIFS na Ingles) cu a integra software di banco, financiero y otro management, como tambe procesonan digitalisa relaciona.

Ademas, ademas di propuesta di ley entrega na Gobierno di Aruba pa regula y supervisa sistema di pago, modernisacion di sistema di pago na Aruba ta andando. A clausura 2023 exitosamente cu un reunion inaugural di ‘Foro di Pago Nacional’, enfoca riba inclusion financiero digital pa Aruba. Den colaboracion cercano cu stakeholdernan, por reforsa inclusion financiero y modernisa e sistema di pago pa beneficio di comunidad Arubano, segun presidente di Banco Central, Jeanette Semeleer, a conclui.