Banco Central di Aruba (BCA) a conclui e encuesta di percepcion di negoshi pa e di segundo trimester di 2024. E encuesta di percepcion di negoshi ta evalua e percepcion economico di e negoshinan local.

BPI a crece cu 0.7 punto di indice den segundo kwartaal di 2024
 E BPI, consistiendo di e condicionnan economico actual y anticipa den corto plaso, a crece di 106.7 porciento den prome kwartaal di 2024 na 107.4 den segundo kwartaal di 2024. E indice di condicion economico actual a aumenta cu 2.1 punto di indice na 107.3 den segundo kwartaal di 2024, mientras e indice di condicion economico spera a corto plaso a cay cu 1.2 punto di indice na 107.6 den segundo kwartaal di 2024.

E porcentahe di negoshi encuestado anticipando un crecemento economico positivo den proximo 12 luna a aumenta cu 1.9 punto porcentual na 58.3 porciento durante segundo kwartaal di 2024. Mientras tanto, e porcentahe di negoshi encuesta anticipando crecemento economico negativo den proximo 12 luna a cay cu 2.1 punto porcentual na 5.6 porciento, mientras e porcentahe di negoshi encuestado anticipando crecemento economico plat a aumenta cu 0.2 punto porcentual na 36.1 porciento (annex 2).

Empleo y salario
 den segundo kwartaal di 2024, e porcentahe di negoshi encuestado indicando cu “no tin cambio” den empleo a cay cu 15.4 punto porcentual na 33.3 porciento.

E porcentahe di negoshi encuestado reportando un “aumento” y un “caida” den empleo a expande cu 11.8 y 3.6 punto porcentual respectivamente (chart 2).

Cu referencia na salario averahe, e porcentahe di encuestado reportando “mehoracion” den e gasto averahe di salario a aumenta cu 5.4 punto porcentual. Mientras tanto, e porcentahe di encuestado registrando cu “no tin cambio” y tin “deterioro” den condicion salarial a reduci cu 3.2 y 2.1 punto porcentual respectivamente (chart 3).

Rentabilidad y benta

E porcentahe di negoshi encuestado reportando un ganashi a cay cu 6.4 punto porcentual na 83.3 porciento den di dos kwartaal di 2024.

E porcentahe di negoshi encuestado reportando “reduccion” den benta a cay cu 9.0 punto porcentual na 16.7 porciento. Pa loke ta e porcentahe di negoshi encuestado registrando “aumento” y cu “no tin cambio” den benta, ambos a expande cu 4.5 punto porcentual durante di dos kwartaal di 2024 (table1).

Inversion y actividad di financiamento
 E porcentahe di encestado indicando actividadnan di inversion economico actual “empeorando” a aumenta cu 6.0 punto porcentual na 11.1 porciento durante di dos kwartaal di 2024.

E porcentahe di encuestado indicando cu “no tin cambio” den condicionnan di inversion a cay cu 5.6 punto porcentual na 61.1 porciento, mientras e porcentahe di encuestado declarando “mehoracion” den condicionnan di inversion a cay cu 0.4 punto porcentual na 27.8 porciento (table 2).

Durante segundo kwartaal di 2024, 27.8 porciento di negoshi encuestado a pronostica cu e condicionnan di inversion a corto plaso lo mehora durante proximo seis luna, un reduccion di 15.8 punto porcentual compara cu e prome kwartaal di 2024. E porcentahe di encuestado indicando cu “no tin cambio” a expande cu 10.3 punto porcentual na 66.7 porciento. E porcentahe di encuestado reportando condicionnan di inversion a corto plaso “empeorando” a aumenta cu 5.6 punto porcentual den segundo kwartaal di 2024 (table 2).

Durante segundo kwartaal di 2024, e porcentahe di negoshi encuestado cu plan di inversion pa proximo 12 luna a aumenta cu 5.7 punto porcentual na 75.0 (chart 4).

Encuestadonan indicando termino y condicion “suavisa” y “reforsa” pa obtene financiamento pa negoshi durante segundo kwartaal di 2024 a aumenta cu 3.0 y 1.1 punto porcentual na 5.6 porciento y 12.9 porciento respectivamente. Encuestadonan declarando cu e termino y condicion “a keda mescos” a contrae cu 4.0 punto porcentual na 80.6 porciento (annex 2.)

Durante segundo kwartaal di 2024, 83.3 porciento di negoshi encuestado tabata spera cu e tasa anual di financiamento efectivo lo ta entre 5% y 8%. Esnan pronosticando e tasa anual di financiamento efectivo pa ta entre 8% y 112% a cay cu 4.5 punto porcentual na 8.3 porciento. E porcentahe di encuestado pronosticando e tasa anual di financiamento efectivo pa ta bao di 5% a cay cu 2.1 punto porcentual na 5.6 porciento (annex 2).

Inflacion y prijs pa producto y servicio
 Den termino di condicionnan economico a largo plaso durante proximo 12 luna, 38.9 porciento a anticipa cu e tasa di inflacion lo varia entre 2% y 2% durante di dos kwartaal di 2024.

Alrededor di 33.3 porciento di negoshi encuestado a spera e tasa di inflacion pa ta riba 3 porciento (chart 5).

Pa loke ta prijs pa producto y servicio durante proximo 12 luna, 63.9 porciento di encuestado a anticipa aceleracion di prijs, es decir, un aumento di 2.4 punto porcentual. Alrededor di 36.1 porciento di encuestado a considera cu e prijs pa producto y servicio lo keda mescos (chart 6.)

E relato completo di e encuesta di percepcion di negoshi ta disponibel ariba website di BCA www.cbaruba.org