Diasabra, Aruba a celebra e Grand Lighting Parade na Oranjestad den un despliegue di color, musica, baile y mas cu claro, hopi luz!
Mientras Aruba ta den pleno celebracion di Carnival 70, un di e eventonan mas atractivo ta e Lighting Parade, ya cu e ta tuma lugar anochi den un atmosfera mas fresco. E aña aki, un total di nuebe grupo di Carnaval a participa, cada un cu su tema unico y su colornan, pero tur den un ambiente di fiesta.
E secuencia di grupo pa e parada tabata:
1. TOB Carnival Group
2. Infinity Carnival Group
3. Royal Carnival Group
4. Empire Carnival Group
5. Champagne Carnival Group
6. Dushi Carnival Group
7. Los Laga Bai Carnival Group
8. OPC Carnival Group
9. Colour Carnival Group
E parada a cuminsa na Aruba Entertainment Center Dakota, siguiendo door di Avenida Milio Croes, Vondellaan, LG Smith Boulevard, y a termina na Turbo Rotonde Boulevard.
Si bo a perde e parada aki of kier mas, ainda tin e Lighting Parade na San Nicolas! Esaki ta bay tuma lugar diaranson awo, dia 7 di februari, cuminsando pa 8pm. E ruta ta bay keda anuncia den proximo dianan, pues keda pendiente. Y check e schedule pa no perde ningun di e actividadnan mas importante di Carnaval 70, cu ta bay culmina cu un weekend di parada na San Nicolas y Oranjestad.
