Dolornan corporal ta sensacionnan di dolor of molesternan den henter bo curpa. Ta un sintoma comun di enfermedadnan viral manera griep. Si e enfermedad ta e causa di bo dolornan corporal, ta probabel cu tambe lo tin keintura, pero den algun circunstancianan, ta posibel cu por tin dolornan corporal sin keintura.
1.Stress
Stress por causa dolornan corporal, pero e dolor ta diferente di e dolornan relaciona cu e enfermedad, segun ta bisa Nate Favini, MD, lider medico na Forward, un practica di atencion primario preventivo.
E dolor corporal causa door di stress generalmente ta manifesta den bo nek, brasanan y lomba. Aunke ta posibel cu esaki ta dolornan cu ta wordo sinti na otro partinan di e curpa, manera e pianan, abdomen of pecho, segun Favini ta bisa. E dolornan corporal relaciona cu e enfermedad por ta generalisa y aparece rapidamente, alcansando un pico di intensidad den un periodo corto di tempo, generalmente ora- of dianan.
E stress ta haci cu e musculonan ta bira tenso. Un biaha bo relaha e musculonan, nan ta relaha, pero e stress continuo of cronico por provoca episodionan mas prolonga di tension muscular.
2. Falta di soño
Soño ta algo esencial pa e regeneracion celular: e proceso di e curpa di reemplasa of restaura e celulanan y tehidonan dañino. No drumi lo suficiente por afecta e capacidad di bo curpa pa produci celulanan nobo, loke por provoca un sensacion di cansancio fisico y dolor.
Ademas e dolornan corporal, otro sintomanan di e falta di soño ta inclui:
-Dificultad pa concentra;
-Cambionan di humor incluyendo un aumento di e sentimentonan di depresion of ansiedad;
-Sintomanan di gastrointestinal manera gana nan di saca of diarea;
-Problemanan di planificacion of organisacion .
Si bo persona tin dificultadnan pa drumi di 7 te cu 8 ora pa anochi, Favini ta recomenda esaki:
-Sin pantaya of ta riba bo celular un ora prome di bay drumi. E luz blauw di e computernan portatil of telefonnan, televisionnan, por interumpi e ciclo natural di e soño di e curpa;
-Bay drumi y lanta e mesun ora tur dia. Esaki por reenforsa e ciclo di soño natural di bo curpa.
3.Sindroma di fatiga cronico
E dolornan y molesternan ta comun den personanan cu sindroma di fatiga cronico, aunke e gravedad di e dolor ta varia segun e individuo, segun Robert Berghorn, DPT, propietario di Ascent Physical Therapy cu sede na Nueva York.
“Ta supone cu e dolor ta actua como un mecanismo protector. Sinembargo, den e casonan cu e sindroma di fatiga cronico of cualkier otro condicion di dolor cronico, ta actua mas como un candela descontrola” segun Berghon. “Den e tipo di afliccion aki, tin un reasignacion of cambio den e forma cu e persona afecta ta interpreta dolor y actividad unda incluso e cosnan mas simpel manera habri un porta por ta realmente doloroso sin ningun rason specifico pa bo mannan haci dolor”.
No ta existi un cura pa e sindroma di fatiga cronico, pero hopi sintomanan por controla cu medicamentonan of cambionan den e estilo di bida. Si ta kere cu por ta experimentando e sindroma di fatiga cronico, papia cu bo medico tocante e miho tratamento pa bo.
4.Deshidratacion
E ingestion inadecua di awa ta reduci e capacidad di bo curpa pa elimina e kimiconan inflamatorio di e tehidonan, loke por causa dolor y malestar, segun Berghorn.
E sintomanan di deshidratacion ta inclui:
-Mareo;
-Confusion;
-Cansancio;
-Sed extremo;
-Orina color hopi mas scur di lo normal.
Un di e miho formanan pa evita deshidratacion ta hibando un boter di awa unda cu bo bay y bebe di dje cu regularidad, segun Berhorn. Si ta nota signonan di deshidratacion, bebe un bebida deportivo cu algo di sucu y gaytorade por yuda rehidrata bo mes mas lihe cu solamente awa.
5.Trastorno autoimmuun
Un trastorno autoimmuun ta ora e sistema inmunologico di e curpa ta ataca su mes. Algun trastorno autoinmunitario por provoca dolornan corporal.
Ta existi hopi tipo di diferente trastornonan autoinmunitario. Algun di esunnan mas comun cu por causa dolornan corporal ta inclui:
Lupus. Afeccion den unda e curpa ta ataca e tehidonan sano. E lupus ta afecta cu mayor frecuencia e cuero, e articulacionnan y e organonan interno y por causa dolornan muscular y articular.
Escelerosis multiple. Afeccion den loke e sistema inmunologico di e curpa ta ataca e sustancia di vet cu ta protege e fibra nan nervioso den e cerebro y e medula spinal. E perdida di e capa ki protector por provoca hormigueo, entumecimento y debilidad den e extremidadnan y dolor repentino na move bo nek.
Dermatomiositis. Afeccion cu ta causa debilidad muscular, cu por provoca dolor den e articulacionnan.
No ta existi cura pa e enfermedadnan autoinmune, pero medicamento por yuda reduci e dolor y e inflamacion asocia cu e trastornonan aki.
6.Enfermedad di Lyme
E enfermedad di Lyme ta un enfermedad transmiti door di garapata causa door di e bacteria Borrelia Burgdorfer. E sintomanan di enfermedad di Lyme ta inclui:
-Dolor di curpa;
-Dolor di cabes;
-Amandel ta inflama;
-Erupcion;
-Fatiga;
-Bo curpa ta sinti friu;
-Keintura.
E enfermedad di Lyme ta wordo trata cu antibioticonan. E mayoria di e personanan ta responde bon na e tratamentonan y ta recupera por completo.
7.Un infeccion viral
Tanto e dolornan corporal como e keintura ta sintomanan comun di e infeccionnan viral, pero e ta posibel cu por tin un infeccion viral, como griep, sin tene keintura, ta bisa Favini, otro infeccionnan viral tambe por causa dolornan corporal sin keintura, manera e friu den curpa comun. e sintomanan di un infeccion viral ta inclui:
-Rinorea:
-Congestion;
-Dolor di cabes;
-Fatiga;
-Tosamento;
-Nister;
-Dolor di garganta.
Ki ora pa asisti na bo medico
Si bo dolornan corporal ta severo y ta dura mas cu un par di dia y ta afecta bo bida diario, mester busca atencion medico, ta bisa Favini. Un medico por yuda determina e causa exacto di e sintomanan y sugeri e tratamento adecuado.
Pa hiba manera informacion privilegia
E dolornan corporal ta un sintoma comun di infeccionnan viral, manera griep, pero por tin otro causanan, incluyendo enfermedadnan autoimmuun of un deficiencia nutricional. Si ta experimenta dolornan corporal persistente cu ta afecta bo bida diario, comunica cu bo medico pa obtene un diagnostico y tratamento adecua.
