Castigo maximo 5 aña pa esnan cu ta facilita personanan ilegal den cualkier sentido

Segun minister Arthur Dowers encarga cu husticia, tabatin analisis y discusion cu OM segun e mandatario unda cu a bisa cu ta bay saca otro instrumentonan aworaki pa bay actua contra di e presencia y permanencia di personanan illegal na Aruba. Den e ley cu tin di combatimento di mensenhandel y mensensmokkel, tin e posibilidad pa por persigui personanan cu ta coopera pa personanan drenta illegal, sea cu ta yudanan drenta of facilita nan cu informacion, yudando cu trabou of vivienda entre otro. Esey ta buta cu lo actua contra e persona aki tambe cu castigo maximo di 5 aña. Te na e momentonan aki a yega di persigui personanan pa mensensmokkel (esun cu ta bin cu hende den boto), pero nunca ainda esunnan cu ta facilita e permanencia illegal.

“Ta tumando e situacion aki hopi serio y ta mira e rol cu hendenan tin den facilita hende ilegal, cual ta algo cu no ta bay tolera mas y lo actua contra di esunnan cu ta facilita esaki. Den pasado hopi multa a cay pa esunan cu ta duna hende trabou.Te na e momentonan aki niun di nan a paga efectivamente e multa nan aki. Y ta evaluando dentro di poco si cambia e sistema di pone boet, pa asina por haya e placa aki den caha di gobierno pa por sigui combati criminalidad, Sr. Dowers a conclui.