E comunidad gay di e pais Asiatico ta ser castiga cu pena di morto mediante tiramento di piedra. Tambe nan a expresa cu ta den un estado di shock y miedo pa e castigo di tempo di antes.
“Bo ta lanta y realisa cu bo bisiña, famia of cualkier otro persona no ta pensa bo ta humano, cu nan ta pensa ta bon pa nan tira bo cu piedra”, asina un homber di Brunei, kende ta gay, a bisa e reportero.
E nacion chikito den sur di Asia a bisa cu kier pa enseñanza di Islam bira mas fuerte. Homosexualidad tabata ilegal caba na e pais, y castigabel cu 10 aña di prizon. E ley ta aplica pa tur musulman, incluyendo mucha cu ta yega pubertad, y algun aspecto ta aplica pa esunnan cu no ta musulman.
Ofensa manera violacion, adulterio, sodomia, hortamento y insulto hunto defamacion di e profeta Muhammed lo tin e pena maximo di morto. Hendenan cu no a yega pubertad pero haci algun di ofensa aki lo haya castigo di ‘whipping’.
Nacionnan Uni a bisa den un declaracion, yamando e legislacion ‘cruel, inhumano y degradante’, cu e pais ta ‘bayendo atras seriamente’ pa e proteccion di derecho humano. Un otro homber di Brunei, cu no ta gay pero a renuncia na su religion, a bisa cu e ta sinti ‘cu temor y numb’ cu e leynan cu a ser implementa. “Nos ta ciudadano comun, ta impotente pa impedi cu un ley di Sharia wordo aplica”, e hoben di 23 aña a bisa, kende no kier a wordo identifica.
