E caso cu a hala hopi atencion y a trece un ola di reaccion for di cumindad, esta e presunto estafa di un (ex)trahador di Setar, ta programa pa wordo atendi den corte na juli di 2018.
Hues Jose E. Martinez a emiti un asina yama ‘schedule order’ cual ta stipula e fechanan cu cada parti di e caso aki mester ta cla pa asina finalmente e caso mes por wordo atendi den corte. Un total di seis acusado a keda sin responde na e keho entrega contra di nan, riba cual mocionnan a ser entrega pa asina pidi pa nan bay den ‘default’, haciendo e caso ventahoso pa Setar.
Locual no ta conoci ainda ta kico e rol di e otro dos Arubianonan envolvi den e caso aki ta. Ta tumando contacto cu e personanan aki pa asina skucha nan banda di medaya.
Bon Dia Aruba lo ta siguiendo e desaroyo di e noticia aki di serca y lo informa pueblo debidamente.
