Venezuela a anuncia investigacion alrededor di caso Odebrecht. Fiscal General di Venezuela Luisa Ortega Díaz a bisa den un entrevista cu su oficina a solicita na Ministerio Publico pa investiga si funcionario Venezolano a haya placa for di soborno di empresa Brasileño Odebrecht.
Un rapport di Departamento di husticia di Merca cu a wordo publica riba dia 22 di december di 2016 a indica cu entre 2006 y 2015 funcionario Venezolano y agente intermediario a haya 98 miyon dollar na soborno di banda di empresa Brasileño cu obhetivo di haya contracto di trabao publico bek.
Documento a bisa cu Odebrecht a paga 788 miyon dollar total na soborno na 12 pais tin Argentina, Brasil, Colombia, Republica Dominicana, Guatemala, Mexico, Panama y Peru.
Un dia prome cu e publicacion aki e presidente di Asamblea Nacional (pa momento aki), Henrry Ramos Allup a solicita riba twitter na empresa di Brasil Odebrecht pa traha un denuncia contra ken o kendenan a ricibi soborno na Venezuela”.
