E conocido fisioterapista Rudy Carti su caso lo ta diahuebs awo den Corte. Manera ta conoci, el a wordo deteni na inicio di aña riba investigacion relaciona cu actonan inmoral cu el a comete. Carti ta wordo acusa di violacion un of mas biaha di un persona den e periodo di 12 pa 17 di november 2020.
E ta wordo acusa di violacion di un otro persona na september 2018. Di violacion di un persona na aña 2012. E ta wordo acusa di violacion di un di cuater persona den e periodo di april te mei 2019. Di violacion di un di cinco persona riba 7 di october 2020 y di violacion di tres persona mas den e añanan 2012 pa 2015.
Pa un motibo of otro tratamento di e caso no por sigui. Ley ta exigi cu si e caso no ta cla pa wordo trata den Corte, mester presenta e acusado di tur manera den un periodo di tempo y fiha un fecha riba cual si e tratamento por tuma luga.
Awo e mester presenta diahuebs pa 2’or di merdia. Of esaki por tuma luga via di Zoom. Hecho ta cu Hues mester atende su caso pa pone un otro fecha.
Su abogado den e casonan aki ta mr. Carlo.
