Diamars rond di 10’or anochi un famia a bay cumpra un orange juice pa nan bebe na cas. Tur e 5 personanan na e cas tanto hende homber y muhe a bebe for di e juice aki, y nan curpa a cuminsa reacciona malo y cuminsa saca, bira basta malo te asta perde rosea. Di biaha nan a core bay Centro Medico pasobra tur 5 persona a bira malo pareu.
Nan a informa e dokter kico a pasa ora cu nan a bebe e orange juice nan lo a haya un pildo na ultimo cu ta parecido na veneno di djaka. Polis a keda notifica di biaha y asta recherche di San Nicolas a presenta na e sitio.
Polis na prome instante a trece algun persona cu tabata critico. Na final ambulance a logra trece dos persona unda un di nan tabata critico. Recherche a presenta na e super market Kinppo Foodcenter na Cura Cabay unda e famia a cumpra e juice. Departamento forensico di Cuerpo Policial tambe a presenta y a tuma e juice den beslag pa investigacion pa loke ta e likido aden pa saca afo si por ta trata algo asina di veneno di djaka. Recherchenan a mira full e video di grabacion di e supermarket wak ki ora e personanan a cumpra e juice. E caso ta keda bou investigacion pa autoridadnan. E famia a keda interna na Hospital.
Gerencia di Knippo Supermarket ta bisa Bon Dia Aruba cu ya caba a test algun di e juicenan di e mesun marca anto no a haya nada straño. E investigacion ta andando ketobay pa determina kico exactamente a bay robes akinan; si tabata tin veneno den e paki di juice prome cu nan a habri e of no y con esaki a yega eynan.
