Segun resumen di Departamento di Salubridad Publico DVG relaciona cu pandemia di Covid-19 na Aruba, ayera e cantidad di caso activo tabata 271.
Igualmente DVG a informa den su resumen di ayera cu 48 persona a recupera di e malesa causa pa e virus SARS-CoV-2, mientras cu a registra un total di 16 caso nobo, di cual 5 no ta residente.
E cantidad total di test ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto, tabata 663 test. E tasa di positividad (‘positivity rate’) entre residentenan di Aruba tabata 23%.
E cantidad di fayecido relaciona cu Covid-19 ta 98.
Di su banda, Hospital Dr. Horacio Oduber a informa cu tin un total di 24 persona interna pa ricibi tratamento pa Covid-19. Di esakinan, 11 ta den Unidad di Cuido Intensivo ICU, mientras 13 ta isola riba unidad general di covid.
