Diamars mainta Aruba BirdlifeConsevation tabata den corte pa trata e caso contra desaroyadonan di proyecto Condominium Azure. E caso a keda posponi pa motibo cu segun abogado Sr. Rudi Oomen, e hues a ‘Like’ e pagina di Facebook di Aruba Birdlife Conservation cual ta duna nan un impresion cu e hues lo tin mas simpatia pa nan pa motibo cu e ta no solamente fanatico di naturalesa pero cu simplemente e ta like y volg e pagina di facebook di ABC. Un dia exacto no a wordo duna ainda pero hues a propone pa no mas tarda cu otro siman pa sigui cu e caso despues cu nan logra di haya un otro hues cu den e caso aki, no ta un fanatico di Aruba Birdlife Conservation of tin un pagina di Facebook riba su mes manera e hues mes a indica. Segun presidente di
ABC, Sr. Greg Peterson, e caso aki ta wordo tuma hopi na serio y despues cu e hues mes a refleha riba esaki, aunke cu no ta pensa mescos,ta haya cu en berdad esaki por a duna un otro impresion dus ta respeta e decision pa pidi pa un otro hues trata e caso.
