Polis a activo buscando di Yellow, sinembargo esaki no a duna resultado ainda. Segun vocero di ministerio publico Ann Angela, fiscal no tin ningun informacion nobo pa duna den e caso aki.
E siman aki ta bay cumpli un luna cu e portier tira pafo di Olde Molen a fayece y cu ta buscando e sospechoso di a tire cu consecuencia fatal. For di diferente fuente ta haya informacion cu habitantenan specialmente den area di Yellow su cas y tambe den San Nicolas ta mira e fugitivo rond. Tambe tin informacion cu yamada ta wordo haci ora cu mira e fugitivo, sinembargo pa ora cu polis presenta na dicho localidad ya el a bay for di eynan caba.
A puntra Ministerio Publico si nan ta na altura di informacion aki y pa cual e vocero a confirma cu berdad hende ta bisa cu nan ta wake y cu polis ta hopi activo buscando e. Ultimo tempo a busca na nuebe adres, di cual dos di e adresnan a wordo bishita dos biaha, pero sinembargo nada ainda el a remarca.
E fin di siman tras di lomba tabatin e parada di fakkel cual manera nos a indica anterior, un medio di comunicacion a publica cu nan tin informacion cu Yellow lo basha bala den multitud di hende. Polis a desmenti esaki y haciendo e mesun pregunta na Ministerio Publico, pa loke ta trata e menasa, nan tambe ta bisa di no tabata sa di nada.
Detaye adicional
Ainda e suma di tip cu lo yega na detencion di di Yellow ta na 10 mil florin, e suma aki a wordo subi for di 5 mil florin como cu autoridad ta pensa cu e ta un suma mas lucrativo cu lo yuda pa esunnan cu sa di algo papia. Haciendo esaki kedando anonimo mas cu claro.
Den transcurso di e investigacion diferente auto a wordo para y rista di amigonan y/of complice di transportacion di Yellow. Tambe Minister encarga cu Husticia Arthur Dowers a haci yamada na Yellow pa e entrega su mes y den caso cu e no haci’e cu e por conta cu gran cantidad di autoridad ta buscando e.
