Casi tur e poblacion na Gaza ta desplasa, memey di un ofensiva nobo di Israel

(CNN) – Cerca di dos miyon persona a ser desplasa na Gaza –casi tur e poblacion- despues cu siman pasa forsanan Israeli a ordena evacuacion di otro 80.000 persona na diferente parti di Ciudad di Gaza memey di un operacion terestre renoba, segun ultimo cifranan di ONU ta mustra.

Forsanan di Defensa di Israel (FDI) a intensifica e atakenan na varios parti di Gaza, incluyendo e bario Shujaya, na nort, na unda anteriormente a yega di bisa cu a haya Hamas.

Agencia di ONU pa Refugiadonan Palestino (UNRWA) ta calcula cu hasta 1,9 miyon persona ta desplasa internamente na Gaza, cerca di 90% di e poblacion, calcula pa ONU cu casi 2.1 miyon persona. E number di personanan desplasa a aumenta for di dia cu Israel a ataca na ciudad di Rafah na mei.

E atakenan nobo ta plantia e dudanan riba con y ki ora Israel lo pone fin na su guera, e cual tin casi nuebe luna cu e obhetivo di destrui e capacidadnan militar y di Gobierno di Hamas y di rescata e rehen Israeli.

Autoridadnan Israeli a bisa cu nan entrada na Rafah tabata e fase final di e guera, pero e combatenan a bira pio na nort y ta sugeri cu Hamas ta mantene su presencia continua.

Oficina di Coordinacion di Asuntonan Humanitario di ONU (OCHA) diasabra ultimo a declara cu 80.000 persona a ser desplasa siman pasa despues cu FDI a emiti ordennan di evacuacion na areanan oriental di ciudad di Gaza.

Na Shujaya, FDI a bisa cu diasabra ultimo nan ekiponan di combate a lucha contra “scuadron arma” di militantenan di Hamas den ultimo 24 ora, “destruyendo armanan y infrastructuranan terorista.”

Defensa Civil di Gaza diasabra ultimo a sigura cu e bombardeo Israelita den e zona ta continua “sin stop.”

Mientras tanto, tambe e operacionnan na sur di Rafah a continua, na unda inicialmente un gran parti di poblacion civil Palestino a desplasa. FDI a afirma cu nan a elimina “varios celula terorista.”

Diabierna ultimo UNRWA a publica un video di personanan den tentnan improvisa na un beach di Nuseirat, nan a bisa cu nan tabata construi “murayanan di santo pa protege di e marea di lama.”

“Ta keda poco espacionan sigur pa nan por bay cu nan famianan,” y “hopi di nan ta depende di awa di lama pa baña, haci limpi of incluso bebe,” UNRWA a señala.

Minister di Sanidad di Gaza a adverti diasabra ultimo cu “ta continua e crisis di combustibel cu ta necesario pa plantanan electrico di hospitalnan por funciona.”