(NLTimes)—E porcentahe di residente Hulandes cu ta sobrepeso lo aumenta significantemente durante e proximo añanan. Na 2022, exactamente mita di Hulanda tabata sobrepeso. Esey lo aumenta pa 64 porciento na 2050, segun Rijksinstituut voor Volksgezondheid en Milieu (RIVM). A reporta den su rapport. E aumenta ta visible den tur grupo di edad, pero mayormente den e grupo di edad 18 pa 44.
“Sobrepeso ta aumentando y ta cuminsando mas trempan den bida,” RIVM a bisa. Na 1990, 17 porciento di hobennan entre 20 pa 29 aña tabata sobrepeso. Na 2020, esey a aumenta pa 32 porciento y RIVM ta anticipa cu a desaroyo aki lo continua.
“Un bes cu un persona ta sobrepeso, ta hopi dificil pa baha peso,” RIVM a bisa, agregando cu su estudio no a considera desaroyonan nobo, manera seguronan di salud reembolsando medicamento pa baha peso. RIVM lo publica su rapport Public Health Outlook diaranson, un rapport di cada cuatro aña cu ta provee un bista den retonan di salud den futuro na Hulanda.
Liesbeth van Rossum, un profesor di Obesidad na Erasmus MC y presidente di Partnership Overweight Netherlands, no ta sorprendi di e cifranan. “Pero mi ta seriamente preocupa. Sobrepeso sa ser frecuentemente descarta como un problema cosmetico, pero e ta un problema grandi pa salud publico,” el a conta RTL Nieuws. “Hopi malesa cronico ta causa pa obesidad of ta mas dificil pa trat’e debi na esaki. Pensa riba tipo 2 diabetes, malesanan cardiovascular, varios tipo di cancer, y kehonan di joint, pero tambe depresion.”
“Si e cantidad di hende cu sobrepeso y obesidad aumenta, e cantidad di hende cronicamente malo lo aumenta tambe,” van Rossum a conta e locutor. Siman pasa, RIVM tambe a proyecta un aumento significante den hende cu malesa cronico den e proximo aña.
Segun van Rossum, e cuido actual pa hende cu ta sobrepeso of obeso mester ta miho organisa. “E sector di cuido y social mester traha hunto, cual tambe ta poni den e Acuerdo Nacional pa Prevencion cu a ser conclui na 2018. Pues no solamente aborda presion halto cu medicamento pero tambe tira un bista riba stress of problemanan cu ta causa sobrepeso.”
