Na lama Meditereano un barco, cu migrantenan cu tabata purba yega Europa for di Libia, a sink y mayoria di persona abordo a hoga. Un funcionario di migracion di Merca y agencia di estado di noticia di Tunisia a bisa cu e barco a bolter, y te momento di publicacion, 16 persona a wordo rescata.
Un funcionario di organisacion Internacional pa migracion na Tunisia a bisa cu e barco tabata bin Libia ora cu nan a manda un señal di yudansa for di awanan Internacional riba diabierna mainta, dilanti e ciudad di Sfax. E funcionario a bisa cu 60 pa 70 persona a hoga, e otro 16 a wordo rescata pa persona cu tabata pisca cerca. Organisacion Internacional pa Migracion a bisa cu esaki ta e accidente di boto di migrante mas mortal desde januari.
Marina di Libia a bisa ayera cu a rescata 213 migrante Africano y Arabe bayendo Europa cerca di costa Mediteraneo e siman aki. Nan a bisa cu e migrantenan a ser pasa pa polis di Libia despues di ricibi ayudo medico y humanitario.
Libia, na Nort Africa, a bira un conducto principal pa migrantenan Africano y refugiadonan huyendo bay Europa despues cu un revolucion a termina den asesinato di e dictador Moammar Gadhafi na 2011. Autoridadnan Libio a step up esfuersonan pa stop e fluho di migrantenan cu ayudo Europeo.
Sinembargo, gruponan di derecho humano a critica Libia fuertemente pa su centronan di detencion, bisando cu migrantenan cu ta wordo manda Libia bek a enfrenta hamber, tortura, violacion y falta di cuido medico.
