(AP) – Escritor y director Jeff Baena, ken su peliculanan comedico independiente ta inclui “The Little Hours” y ken tabata casa cu Aubrey Plza, a fayece cu 47 aña di edad.
Baena a ser haya morto diabierna mainta na Los Angeles, segun Los Angeles County Medical Examiner’s Office. E circunstancianan cu ta rondona su morto te ainda no ta cla y e oficina a bisa cu esaki ta den investigacion y no lo por duna un rapport completo te ora cu e caso cera.
Baena tabata co-autor di David O. Russell su pelicula di 2004 “I Heart Huckabees” y a skirbi y dirigi 5 di su propio peliculanan, 4 di cual tabatin su premiere na Sundance Film Festival.
E tabata den un relacion cu Plaza pa 3 aña prome cu el a actua den e director su debut den 2013 “Lif After Beth.” Su proximo pelicula, 2016 su “Joshy” tabatin Thomas Middleditch como un homber cu ta topa cu su amistadnan lunanan despues cu su prometida a comete suicidio.
E tabata yiu di un abogado y un docente, cu a crece na Miami y a bay scol na New York. El a conta MArc Maron durante un podcast den 2017 cu su interes den den cinema a surgi despues di mira Stanley Kubrick su “A Clockwork ORange” y Federico Fellini su “8 1/2” ora cu e tabata mucha.
“Semper mi a sinti atraccion pa cosnan un poco peculiar,” el a conta Jim Alexander 2 aña atras den un entrevista pa Reel Talker su canal di YouTube.
Baena a bisa den e mesun entrevista cu e ta “great” pa traha cu Plaza, ken a actu den 4 di su 5 pelicula. E actris y productora di 40 aña a genera fama despues di interpreta April Ludgate den e serie “Parks and Recreation” y a ricibi un nominacion pa Emmy pa su rol riba “The White Lotus.” E pareha a casa den aña 2021.
“E oportunidadnan pa crea hunto, pa haci algo creativo unda nos dos ta cumpli algo, e ta algo poco comun. E ta humilde y hopi talentoso, pues mi ta sintimi cu hopi suerte,” Baena a expresa.
Un representante di Plaza a bisa cu ademas di Plaza, Baena ta sobrevivi pa su mama, Barbara Stern, stiefvader Roger Stern, tata Scott Baena, stiefmoeder Michele Baena, ruman homber Brad Baena y stiefrumannan Bianca Gabay y Jed Fluxman.
