ORANJESTAD – E sala yen di Cas di Cultura cu AVP a uza pa duna un splicacion di e Marcha Nacional, a duna e partido e confiansa cu e mensahe cu mester hiba na e Gobierno a wordo compronde door di pueblo. Tabata un anochi unda a duna detaye di loke a conduci na e decision di AVP pa organisa un marcha y con e partido kier pa esaki tuma luga.
Un biaha mas cu palabranan convincente e maximo lider di partido berde Mike Eman a splica
pakico a yega na e decision y cu esaki ta solamente e prome Marcha Nacional contra e Gobierno
actual. Prome cu e lider a hiba palabra, diferente politico a splica con nan ta mira e dia aki, e
motibonan pa cual di e marcha y cu, manera semper, e marcha mester ta uno trankil unda ta
bay hiba un mensahe cla pa Gobierno y despues bek pa cas trankil. E manifestacion nacional ta tuma luga diabierna y e grupo lo topa na DOW.
