ORANJESTAD – Vicky Arens director di Cas di Cultura hunto cu Edmond Tujeehut y Frank Croes kendenan ta curador di e subasta cu ta bay tin otro siman diasabra durante di e “Charity Show & Auction” pa salvaguardia Cas di Cultura y financia e master plan arkitectonico. Sra. Arends ta splica pakico tin mester di un master plan arkitectonico cual ta pa motibo cu, Cas di Cultura su edad ta hopi halto. Manera ya nos reportero na Bon Dia a menciona dialuna despues di a entrevista Sra. Arends awo por lesa mas tocante e evento cu lo tin.
E evento cu lo tin ta e “Charity Show & Auction” ta costa 100 dollar pa persona pero 300 florin pa pareha. Y tur e placa aki ta bay na e master plan cu ta bay desaroya cu un compania renombra internacional yama, “Theater Advies BV”.
“E show lo ta den un anochi hopi interesante, lo tin wine & cheese cu ta cuminsa 8or e ora e bishitante por wak e subasta y despues e show lo cuminsa 8or y mey. Tin 5 scol grandi di baile na Aruba cu ta participando cual ta Club di Movimiento, Koslov Dance Academy, Scol di baile Diana Antoinette, Simadansa y Step by Step Dance Studio. Tin tambe agrupacion Sandunga cu ta bin estrena dos hit nobo cu a caba di wordo graba. Tin Sra. Landa Henriquez cu ta bay honra nos cu presentacion di dos cantica. Sra. Joan Danies lo honra nos cu actuacion monologo y hendenan di incubator crew cual ta HipHop Aruba, tayer crea y siña cu teatro y Yo Club cu ta cinematico.”
El a sigui splica cu e agrupacion musical cu lo ta compañando tur hende lo ta Carlos Bislip, Ivan Quandus y Johnny Scharbaay. Tambe lo tin un final prepara cual lo ta un “teaser” di locual cu Cas di Cultura lo kier haci den futuro cual ta musicals traduci na Papiamento. “E ta un cancion, pero cu cantantenan conoci aki na Aruba cu tur a uni forsa pa canta un musical conoci na papiamento.” Ambicion di Cas di Cultura ta pa den futuro haci e musical internacional den papiamento den un teatro nobo pa luci riba tarima internacional di teatro, Sra. Arens a splica.
