Democratanan cu interes pa lansa un investigacion di impeachment contra presidente Donald Trump awo a haya mas arma ainda: e obstaculo cu Cas Blanco a pone contra e investigacion por medio di prohibi embahador di Merca na Union Europeo pa testigua.
Un di e prome movidanan di e administracion: Departamento di Estado ayera a prohibi Gordon Sondland, Embahador Mericano na Union Europeo, di presenta dilanti un panel di Congreso conduciendo e investigacion di impeachment di Trump.
Abogado di Sonland, Robert Luskin, a bisa cu su cliente tabata ‘profundamente decepciona’ di no tin mag di testigua. E denuncia di un whistleblower y mensahe di texto publica ta pone Sondland como testigo potencialmente importante pa e acusacion cu e presidente republicano a purba di busca informacion negativo di un rival democrata den nomber di politica exterior.
Staf di Trump ta mehorando nan maneho despues di dos siman di locual aliadonan a describi como un respuesta riba e investigacion di impeachment. Un stap cu ta spera ta un carta na Nancy Pelosi rechasando e investigacion, pasobra e democratanan no a tene un votacion riba e asunto, y move pa haci tur, menos stop cooperacion cu Capitol Hill riba asuntonan clave di supervision.
E strategia ta core e riesgo di provoca democratanan mas ainda den e investigacion di impeachment, estableciendo desafio hudicial y potencial pa legislado redacta un articulo di impeachment acusando Trump di obstrui nan investigacion.
Representante Adam Schiff, President di Comite di Inteligencia di Congreso, a bisa cu pa no tin presentacion di Sondland lo ta un motibo di obstruccion di husticia y por duna anticipacion di ki sorto di articulo por implica den impeachment contra Trump.
“Locual nan a haci cu e pais aki ta algo cu no por a pensa. Ta un suerte cu ami ta presidente. Poco persona por maneha esaki. Di algun manera prospera den esey. No por acusa un presidente pa haci un gran trabou. Ta un fraude”, el a bisa.
Jason Miller, kende a ta consehero principal di comunicacion di campaña di Trump na 2016 y kende a traha cu aliado externo den respuesta pa investigacion di Mueller, a bisa cu aliadonan mester ta haciendo un miho trabou ta defende e presidente.
