Cas Blanco a viola e ley federal door di asistencia di siguridad pa Ucrania, un accion den centro di impeachment di presidente Donald Trum, segun un agencia federal di vigilancia.
Oficina di Responsabilidad di Gobierno a bisa den un informe cu oficina di Administracion y Presupuesto (OMB) a viola e ley door di atrasa yudansa, cual Congreso a aproba menos di un aña atras, bisando cu e presidente no tin poder pa ignora ni haci amienda riba un ley promulga.
Agencia independiente, cu ta informa congreso a bisa cu OMB a viola e Impoundment Control Act den retrasa e asistencia di siguridad cu Congreso a autorisa pa Ucrania pa ‘motibo di politica’ na luga di necesidadnan tecnico presupuestario.
“Ehecucion honesto di ley no ta permiti presidente substitui su propio prioridadnan di politica pa esunnan cu congreso a promulga den ley” e conseho general di e agencia, Thomas Armstrong a bisa den e reporte.
Democratanan na Capitol Hill a probecha di e reporte como evidencia di un Cas Blanco sin ley. Lidera pa acting chief of staff, Mick Mulvaney, kende ta un figura clave den investigacion di impeachment di Trump. Ainda e ta oficialmente director di OMB.
House Speaker, Nancy Pelosi D-Calif., a bisa: “OMB, Cas Blanco, administracion a kibra – mi ta bisando esaki – a kibra ley.”
Luna pasa a impeach Trump riba cargo di abusa su poder pa presiona Ucrania pa investiga rivalnan democrata, mientras e tabata teniendo atras e ayudo, y pa obstrui e investigacion di congreso cu a resulta. Senado a cuminsa impeachment ayera.
