Presidente di parlamento Ady Thijsen a manda un carta official na procurador general mr. Ter Steege. E parlamentario a haci un keho oficial y ta duna di conoce cu riba dialuna 19 di october 2020 minister di infrastructura y medio ambiente drs. Marisol Lopez Tromp a duna diferente declaracionnan contra di su persona cu no ta cuandra cu realidad. Presidente di parlamento Ady Thijsen den su carta ta duna di conoce cu Minister Marisol Lopez Tromp a insinua cu presidente di parlamento ta haci fraude y valsheidingeschrifte durante di un reunion publico.
Tambe cu minister Marisol Lopez Tromp ta duna di conoce cu griffier interino lo mester a manipula na momento cu mester a conta esnan cu a vota e dia ey riba e mocion di desconfianza contra di e mandatario. Mirando tur e acusacionnan cu e mandatario a haci contra di su persona como presidente di Parlamento, a tuma e decision di manda un carta y haci un denuncia oficial na ministerio publico serca procurador general Ter Stege. Aki bao por mira y lesa e carta oficial cu a keda manda pa procurador general di Aruba.
