(AP) – Carrie Underwood lo canta “America the Beautiful” na Donald Trump su inauguracion proximo siman y demas actonan lo inclui dos di e presidente electo su faboritonan musical, Lee Greenwood y christopher Macchio.
Underwood, ken a lansa su carera riba “American Idol,” lo presenta poco prome cu Trump huramenta na U.S Capitol dia 20 di januari, segun un copia di e programa inaugural cu a provee na The Associated Press dialuna.
E espectaculo cu ta bini cu e inauguracion di un presidente nobo ta cuminsa e fin di siman aki na Washington cu un show di klapchi na Trump su club di golf Sterling, un mitin cu estilo di campanja na D.C, un bishita pa Arlington National Cemetery y cenanan luho prome cu e presidente electo huramenta pa bira e proximo presidente.
Trump su di dos inauguracion ta anticipa di ta hopi diferente na e ultimo biaha cu Merca a haya un presidente nobo. Trump, ken a nenga acepta su perdida den 2020, no a atende President Democratico Joe Biden su ceremonia na Capitol, unda tabatin recuerdo visibel di e incidente violento di dia 6 di januari 2021 di parti di sostenedornan di Trump.
E comite cu ta planiando Trump su ceremonianan di inauguracion a publica e schedule dialuna, 4 dia prome cu e eventonan centra riba e ceremonia tuma luga y cual Biden tin plan di atende. “President Trump ta dedica na uni e pais via fortalesa, seguridad y oportunidad pa su agenda America First (Merca prome),” Steve Witkoff y Kelly Loeffler, co-presidente di e comite a bisa den un declaracion.
Witkoff ta Trump su enviado pa medio oriente y Loeffler ta ex Senador di Georgia cu ta Trump su escogencia pa lidera Small Business Administration.
“E celebracionnan inaugural di 2025 lo refleha Presidentelecto Trump su regreso historico na e Cas Blanco y Mericanonan su voto decisivo,” Witkoff y Loeffler a bisa.
Primera Dama entrante Melania Trump lo bebe te cu e famia Biden. Den 2021, e famia Trump no a invita e famia Biden pa bebe te prome cu e inauguracion di Biden, saliendo di e ciudad prome cu e siguiente presidente a keda huramenta. Den november, ora cu Joe Biden a invita Trump na e Cas Blanco, Melania a scoge di no participa den e bishita.
Greenwood lo duna su presentacion mientras cu Trump ta sali pa huramenta, segun e comite inaugural di Trump. Macchio ta e scogencia di Trump pa canta e Himno di e pais na final di e programa.
Macchio a presenta na Republican National Convention den juli, na Trump su mitin di regreso na Butler, Pennsylvania den october despues cu su prome mitin na e sitio a keda marca pa un intento di asesinato y durante su mitin di Madison Square Garden cu a genera critica pa e chistenan racista di algun di esnan cu a duna speech.
Trump su prome inauguracion den 2017 tabatin presentacion di Rockettes, Mormon Tabernacle Choir y cantante di 16 aña di America’s Got Talent Jackie Evancho.
