Dos aña despues cu Zika a plama den Caribe e invasion di e virus aki a baha significante, asina Caribbean Public Health Agency (Carpha) ta informa. Pero mester keda alerta, segun e agencia di salud den Caribe.
Autoridadnan di salud den e region ta raporta cu e cantidad di casonan sospechoso y confirma a baha, Carpha ta bisa. Sinembargo nan ta adverti cu comunidadnan mester keda alerta pa e virus. Pa motibo di esey nan a dicidi pa intensifica nan campaña pa elimina e sangura Aedes aegypti cu ta plama Zika, Chikungunya, Dengue y Gele Koorts. Hunto cu Centers for Disease Control and Prevention (CDC) di Merca nan a desaroya un toolkit informativo y segun nan, innovativo tambe, pa por uza pa informa diferente gruponan den comunidad esta hende cu ta traha den sector medico y cuido te cu muhenan na estado y muchanan.
Por haya e toolkit aki: http://missionmosquito.carpha.org/
