Como parti di e regreso hopi anticipa di Carnival Cruise Line na operacionnan di pasahero, Carnival Horizon a yega Aruba ayera pa prome biaha den 16 luna.
Canival Horizon ta un di e prome dos barco di e linea cu a sali di Merca desde cu a reanuda servicio di a3 di juli ultimo. Carnival Horizon a para na Aruba, cu ta entre e wafnan destaca di e crucero di ocho dia den Caribe, cu a sali for di Miami dia 10 di juli ultimo.
“E regreso di Carnival Horizon na Aruba ta representa un stap tremendo bay dilanti pa e comunidad local”, segun Christine Duffy, presidente di Carnival Cruise Line. “E reanudacion di e servicio y e aumento di demanda pa crucero ta traduci den un impacto economico positivo inmediato pa nos partnernan di destinacionnan valioso. Nos ta anticipa pa trece back e beneficionan y diversion di crucero, mientras ta keda comprometi na nos responsabilidadnan di mas halto y prioridadnan top di salud, seguridad y bienestar di nos pasaheronan, tripulacion, y e cantidad di comunidad cu nos ta sirbi y bishita.”
Den ultimo cinco aña, Carnival a trece alrededor di 900mil bishitante na e waf.
E linea a bolbe na operacion di pasahero na comienso di juli cu Carnival Vista for di waf di Galveston y Carnival Horizon for di PortMiami. Nabegacion riba Carnival Breeze y Carnival Miracle lo cuminsa e luna aki, sigui pa e biahe inaugural di e barco di mas nobo y innovativo di Carnival, Mardi Gras, riba dia 31 di juli proximo. Otro barconan lo reanuda nan servicio na augustus.
