Awe tardi nos a tuma di nota di hopi movecion di turista den centro di nos ciudad. E crucero Carnival Horizon a yega y a trece hopi pasahero turista cu a baha y tabata disfruta di nos isla.
Esaki ta un prueba cu turismo ta subiendo back, locual ta nifica cu e economia di Aruba tambe ta den un direccion di mehoracion. Aruba a pasa un temporada hopi fuerte pa motibo di e pandemia y esaki a causa cu turismo a baha drasticamente. Despues di mas cu un aña sin ricibi crucero na nos isla, nos ta mirando e movecion di hopi turista den e centro di nos ciudad atrobe.
Nos ta spera cu e cruceronan por sigui yega y trece hopi mas turista na nos isla y yuda hisa e turismo back na locual e tabata prome cu e pandemia a cuminsa.
