E parti mas activo di e temporada di horcan falta un par di siman ainda pa cuminza, pero expertonan cu a predeci un temporada basta ocupa por haya razon, mientras National Hurricane Center (NHC) di Merca cu ta vigilando dos sistema actualmente.
Tormenta tropical Gonzalo cu a forma diarazon pasa por bira e promer horcan di temporada pa diabierna anochi. Mientras tanto, tin un depresion tropical forma den Golfo di Mexico y cu por bira un tormenta tropical segun NHC.
Tin un ‘hurricane watch’ emiti pa Barbados, St. Vincent & Grenadines mientras ta anticipa cu Gonzalo lo bira un horcan den proximo 24 ora como un Categoria 1, segun meteorologo Robert Shackelford di CNN. E ‘watch’ ta ser emiti como 48 ora cu e bientonan di forza di tormenta tropical ta yega e sitio, segun NHC.
Gobierno di Trinidad & Tobago a emiti un tropical storm watch pa Tobago y Grenada.
Segun NHC, Gonzalotin un futuro incierto. Diahuebs atardi pa 5.00 pm, Gonzalo tabatin biento sosteni di 60 miya pa ora y tabata na 810 miya oost di Windward Islands situa mas den sur.
“Mas bien como cautela abundante,” NHC ta bisa, “e pronostico oficial ta keda mustra cu Gonzalo ta birando un horcan den mas o menos 24 ora, pero no por enfatisa suficientemente e incertidumbre di e scenario aki.”
“Tormenta chikito ta mas suheto na fluctuacion significativo den intensidad, tanto ariba coo abao,” segun meteorologo Taylor Ward di CNN.
