(NLTimes) – Riba dialuna, abogado di casonan criminal na Utrecht, Anis Boumanjal a entrega cargonan di discriminacion haci pa autoridadnan di Belasting na nomber di 3 victima den e scandal di bijstand.
El a confirma esaki den un reportahe publica pa NRC. Despues di cargonan anterior, Ministerio Publico (OM) no a mira ningun motibo pa cuminsa un investigacion criminal. Segun Boumanjal, contrario na esaki, un investigacion recien conduci pa agencia di contabilidad PwC na peticion di Belastingdienst a provee suficiente informacion nobo pa haci esaki.
Segun OM, un investigacion tabata innecesario pa motibo cu Belastingdienst ta parti di e estado, y e estado ta disfruta di inmunidad criminal. E inmunidad aki tambe ta aplica na oficialnan individual, segun OM. Ademas, OM no por a establece cu oficialnan intencionalmente a discrimina contra cierto personanan.
PwC su investigacion a demostra cu empleadonan civil individual a manualmente agrega e identidad etnico y datonan religioso na e sistema di deteccion di fraude di Belastingdienst, segun Boumanjal. E oficialnan a considera esakinan factornan di riesgo pa fraude. “Si ta asina, bo no por sconde mas tras di e sistema,” Boumanjal a declara. “Bo ta discriminando deliberadamente, y esaki ta castigabel pa ley.”
Segun e abogado, e informacion nobo ta hustifica “un investigacion criminal profundo, incluyendo e datonan nobo.” Si OM dicidi un biaha mas di descarta e caso, e lo considera un procedura di acuerdo cu Articulo 12 pa forsa persecucion. “Specialmente si OM tin duda, e mester somete e caso na corte. Ban laga hues tuma un decision.
E 3 victimanan cu Boumanjal ta representa ta 2 mayor cu a bira victima di e scandal di bijstand y e doño di un agencia di cuido di muchanan cu tambe a ser acusa di fraude. E abogado a prepara e reportahe na un manera cu otro victimanan tambe por uni na esaki.
