Hopi preocupacion un video a causa cu ta mustra careda clandestino, caminda auto ta supera 240 kilometer pa ora, momento cu nan ta coriendo riba avenida 9 de julio, un di principal cayanan di Buenos Aires.
Segun e canal Todo Noticia di Argentina, siman cu a pasa a circula riba rednan social un video desde un Porsche Cayenne, caminda por mira con e auto ta coriendo na mas di 240 km/h riba avenida 9 de julio.
E chauffeur a ser identifica como Alejandro Gastón Radetic, di 36 aña, cu a keda deteni di manera preventivo, despues di ser acusa di core ocasionando riesgo y cu por keda te 7 aña den prizon.
Radetic tabata conoci como piloto di competencia oficial y un cantante di reggaeton. Durante entrada hudicial na su cas autoridad a haya arma di candela. Regularmente e tabata publica riba rednan social potret cu muhe den bikini.
