Cardi B aparentemente ya a supera su matrimonio cu Offset, pasobra el a caba di pidi divorcio.
E rapper a entrega documentonan den corte na Georgia, indicando cu e ta solicitando un disolucion di matrimonio. No solamente esey, sino e documentonan ta mustra cu ta un divorcio contencioso. Cardi ta lista como e acusador mientras Offset ta lista como e acusado. El a entrega e documentonan diamars.
Ademas, segun e documentonan di corte, obteni pa TMZ, Cardi ta solicitando custodia fisico principal como tambe custodia legal di nan yiu muhe di dos aña, Kulture. Ademas e kier pa Offset paga alimentatie, maske no ta cla cuanto, ni si lo solicita sosten di pareha.
Ademas, e ta laga bon cla den su documentonan cu actualmente nan ta separa y no tin speransa di reconciliacion.
Cardi y Offset a casa secretamente na 2017, y a comparti nan status civil e aña despues. Nan boda tabata algo inusual di cuminsamento, y casi a bay di patras pa dilanti (papiando publicamente).
Na october 2017, Offset a hinca rudia na concierto na Philly Powerhouse, y Cardi a acepta su renchi eynan mesora. Manera a resulta, ya nan tabata casa legalmente pa un luna na e momento ey, pasobra nan a bisa ‘si’ den un camber na september. Segun TMZ tabata algo impulsivo. Offset a bira mira Cardi y a bis’e ‘casa cu mi’, y e tabata di acuerdo. Nan a trece un oficiante pa casa nan formalmente, y poco despues, a solicita y ricibi un certificado di matrimonio na Fulton County, cual a hacie legal.
Algun aña atras nan a haya problema, memey di rumor di infidelidad, pero nan a sobrepasa esaki y tabata mustra uni. Esaki despues di hopi disculpa y romance di banda di Offset. El a interumpi su set Rolling Loud na 2018 pa suplica pa pordon, pero a continua su disculpanan riba rednan social despues tambe. Eventualmente, Cardi a tum’e back.
Lamentablemente, solicitud di divorcio di Cardi ta bin apenas algun dia prome di loke lo tabata nan di tres aniversario di matrimonio.
