(AP) – Hurado a tuma parti pa Cardi B riba diabierna den e caso unda cu un homber a demanda Cardi B pa uso di e tattoo riba su lomba riba e portada di su album den aña 2016.
Hurado federal na Southern California a declara cu Kevin Michael Brophy no a comproba cu Cardi B a usa su tatuahe sin permiso. Despues cu representante di e hurado a lesa e veredicto, e celebridad a brasa su abogadonan y tabata contento cu e victoria.
El a duna danki na e hurado, admitiendo cu e tabata “nervioso” prome cu el a tende e veredicto.
“Mi no tabata sigur si mi lo gana of no,” el a comenta despues cu el a sali for di sala di corte. El a ser acerca pa un gran cantidad di reportero, fotografo y mas di 40 hoben kendenan tabata yamando su nomber. Un tabatin un poster wanta unda cu el a pidi si e por bay un evento escolar cu su persona, na ken cardi a contesta “Si, mi lo wak ki mi por haci.”
“Mi a bisa cu si mi gana, lo mi bisa Mr. Brophy algun cos. Pero mi no ta haya den mi curason bisa su persona nada,” el a expresa den corte. Cardi B a tene un combersacion breve y cordial cu Brophy.
Brophy a entrega e demanda den contra di Cardi B despues cu e album den aña 2016 a keda lansa. El a yama su mes “un homber di famia cu tin yiunan menor di edad” y a bisa cu e imagen usa a causa su persona “humiliacion y stress, pa motibo cu e imagen ta mustra e lomba di un homber meymey di e celebridad su pianan dentro di un limousine. E homber su cara no por ser mira, sinembargo e mesun tatuahe cu Brophy tin riba su lomba, por ser mira riba e lomba di e homber den e imagen en cuestion.
