(AP)—Cardi B a entrega peticion di divorcio for di su casa, rapero Offset. Un representante pa Cardi B a confirma e noticia pa AP, skirbiendo, “Esaki no ta basa riba un incidente en particular, a anticipa esaki di basta tempo y e ta amigable.”
Riba Instagram, Cardi B no a comenta directamente riba e noticia di su divorcio, pero a publica un potret di dje wantando su stoma revelando un bariga di baby.
“Cu tur fin ta bin un comienso nobo! Mi ta asina gradici pa a comparti e temporada aki cu bo, bo a trece mi mas amor, mas bida y mas cu tur cos, bo a renoba mi poder,” el a skirbi. “Ta hopi mas facil pa tuma e cambionan di bida pasivamente, pero abo, bo ruman homber y ruman muhe a mustra mi cu e ta bale la pena pa sigui pusha!”
Cardi B y Offset, di ken nan nomber real ta Belcalis Almanzar y Kiari Cephus respectivamente, tin dos yiu hunto: yiu muhe di seis aña Kulture y yiu homber di dos aña Wave.
E pareha hip hop aki—Offset ta conoci pa su rol den e grupo di rap Migos y su carera singular exitoso—a casa den secreto dia 20 di september 2017 na Atlanta. Nan a anuncia nan compromiso un luna despues.
Na 2020, Cardi B a entrega peticion pa divorcia Offset, bisando cu su matrimonio tabata “ireparablemente kibra.”
