Cardi B ta confirmando loke tur wowo tabata mira, cu e ta back cu Offset, y no ta worry cu e divorcio pendiente mas.
Durante celebracion di cumpleaños di e rapper ultimo weekend y otro salida hunto na Atlanta e siman aki, nan tabata mustra mas manera un pareha felizmente casa na luga di ex-pareha bayendo nan caminda separa. Y Cardi ta bisa ta masha simpel.
E ta nenga cu el a bay back cerca Offset pa atencion, sino ta djis cu e ta un ‘loco’ cu no por tuma un decision. El a bisa un dia e ta feliz, e siguiente dia e kier bati Offset, y despues e ta cuminsa haya su falta di nobo.
E ta agrega: “Ta dificil pa no papia cu bo miho amigo. Ta hopi dificil pa no papia cu bo miho amigo.”
Mas cu claro, tin un motibo sexual tambe. Cardi a expresa esaki sin sconde nada: “Ta hopi dificil pa no tin” sex.
Cardi tambe a responde na su criticonan cu ta acus’e di djis bay back cu su esposo pasobra el a cumpra un auto nobo pa su di 28 cumpleaños. No ta un rechaso completo, pero tambe ta parce cu Offset djis tin loke Cardi kier, den su carson.
Cardi tambe casualmente a bisa cu e no ta bipolar y cu hasta el a haci un test pa proba esaki.
Algun lector lo corda, e pareha a pasa den momentonan dificil den pasado, y maske Cardi a solicita divorcio luna pasa bisando cu su matrimonio no por a ser repara mas, e ta mirando cosnan diferente awo. Of sikiera awe.
