(ElTiempo) – Den tres subregion di departamento di Antioquia, Norte, Bajo Cauca y Oriente, un ekipo forma pa e seccion di Investigacion Criminal, seccion di Inteligencia y e Grupo di Operacion Special di polis nacional, a realisa un operativo cu a termina den captura di 67 integrante di e asina yama Clan del Golfo.
Aunke e ehecucion a keda haci dentro di 24 ora, autoridad a informa cu pa por ehecuta nan, el a tuma nan mas di un aña di investigacion.
“Entre esunnan captura tin seis persona cu ta envolvi den e masacre unda cinco persona a muri na Caucasia na luna di october. E seis personanan captura tabatin señalamento blauw di Interpol, busca na mas di 180 pais”, General Jorge Hernando Nieto, director general di Polis Nacional a declara.
Homicidio, convenio pa comete delito, trafico di estupefaciente, extorsion y trafico di armata entre e delitonan cu cual lo acusa e personanan aresta.
E director general a añadi cu na Caucasia y Tarazá (Bajo Cauca di Antioquia) a realisa 28 captura; entre nan ta sobresali: Edy Manuel Torregrosa, alias Bebe, busca na 180 pais cu pa Interpol; Escalera, presunto autor material di e masacre na Caucasia; y Andrea, cu ta wordo acusa di transporte di e armanan di candela cu lo a wordo uza den e delitonan.
Na Guarne (Oriente) y Yarumal (Norte), a tuma luga invasion y ristamento cu a afecta dos banda di delincuente encarga cu ehecuta tarea pa e organisacion criminal.
Den e prome municipio, a captura 20 integrante di e structura Los Cachorros busca riba orden hudicial pa e delitonan di concerta pa comete delito, trafico, fabricacion o porte di estupefaciente y utilisacion y instrumentalisacion di menor.
Na Yarumal a detene 21 persona di e grupo arma ilegal Banda de Muelas. Entre e esunnan deteni tabata alias dssMaicol, hefe di sicarionan di e organisacion, ken ta responsabilisa di un atentado cu artefacto explosivo na mei di e aña aki den cual cuatro persona a resulta herida, dos polis y dos civil.
