E lesador por pensa cu mi persona ta mucho pesimista y cu ta critica so mi ta critica. Unda tur e solucionnan a keda? A papia di solucionnan pa nos crisis di costo di bida, hopi aña pasa, ambos den medionan publico y cu diferente nos gobernantenan actual. No a haya ningun pero ningun oido. Ta sinti cu pueblo di Aruba mester ta na altura di kico innovacion berdadero por trece y con nos por reduci e sufrimento profundo di e crisis di costo di bida, cu lo bira pio si nada no wordo haci.

Den e articulo aki mi lo duna pueblo di Aruba un splicacion over un solucion cu ta combina Energia Solar, Tecnologia di Microgrids y Bateria y un par di otro consideracion cu lo revoluciona nos produccion di energia, bira completamente los di Elmar y di su invoices y enfin completamente sostinenibel.

E ta un solucion cu ta envolve panelnan solar, tecnologia di Microgrids, Bateria y un par di tecnologia extra pa reduci uso di coriente.

Pakico e solucion Aki?
Na prome luga nos kier referencia un estudio grandi anual di e Investment Bank “Lazard” den su rapport mas up–to-date “2023 Levelized Cost Of Energy+”. E banco renombra aki ta haci e calculacionnan mas detaya den e industria.


E siguiente grafico ta mustra “Community” level Solar ya caba a yega un prijs di $49,- US per MWh cu ta $0.049 per KWh, cu ta 0.0882 florin pa KWh, cu ta 75% mas barata cu e tarifa mas abou di Elmar. E rapport aki di April no ta tuma na nota cu prijs di Solar a baha cu 50% riba esaki den e lunanan cu a pasa.

Awo e prijsnan pa tuma un sistema di Bateria erbij ya caba ta yegando un punta, cu un “vereniging di mas o menos 50 huiseigenaren” por bay full off-grid.


Awo un Community level proyecto di Solar cu sistema di Bateria ta yega na $0.16,-US per KWh cu ta 0.29 florin per KWh cu ta 19% mas barata cu Elmar. Atrobe no tumando nota di caida di prijs di solar. Nota tambe cu e prijs aki ta cu 0 subsidio.

Awo nos ta bay papia MicroGrids.

Kico ta MicroGrids?

Na e momento aki e no ta economico pa 1 cas individual bay off-grid. E tempo ey lo bin, pero e solucion ta pa nos pueblo uni. Un microgrid ta simplemente un sistema di grid di parti coriente den nos caso den e 50 diferente cas di un “Vereniging Huis Eigenaren”. Cu un sistema di software inteligente y bateria e MicroGrid lo dividi e energia genera entre e casnan, mescos un grid di Elmar, pero sin Elmar y su invoices.

Con pa haci un MicroGrid na Aruba Miho Ainda?

60% di temperatura cayente di un edificio ta bin via bentana. Glas estilo “e Glass” ta laga luz visibel drenta pero ta blokia e infrared. Diferente experimento ta mustra cu e ta baha solar radiacion den edificio, dus cayente ta drenta cu 62% menos. Dus un cas hopi mas friu di su mes.

Verf Special

Loh et al. 2010 di Universidad di Sao Paolo a traha un verf innovativo cu pigment special.
Su experimentonan a mustra cu un edificio cu e verf special aki ta 10 grado Celsius menos cayente riba su mes!

Dus e combinacion di “e Glass”, “Anti-Infrared Paint” ya caba lo baha e consumo di airco masha hopi mes.

Factornan detaya:

 

Den dos rapport of Concerned Scientists a mustra cu den un area cu hopi solo y cu no tin winter, cu un MicroGrid full “off-grid” lo ta mas cu factible.

Esaki debi cu den nos ehempel un grupo di 50 cas por cumpra tur cos den bulk, den luga di cumpra panel solar y bateria pa cada cas. Ta baha gasto di panel y bateria enormemente.

Enfin cada cas na Aruba por bira completamente sostenible y berde, cual supuestamente ta loke gobierno ta ambiciona.