Di e 13 recomendacionnan cu e grupo di trabou, encarga cu e investigacion den e sistema di educacion di Aruba, a presenta den e doorlichting rapport, un di esunnan cu mas prioridad ta e politica linguistica, e escogencia di un idioma di instruccion pa educacion na Aruba. E grpo di trabao ta recomenda e escogencia di un indudable y consistente den e politica aki.
E doorlichting rapport ta indica cu e situacion actual ta preocupante pa loke ta e punto aki. Ta eixsti un liña di areglonan cu ta bay for di solamente Hulandes como idioma di instruccion a traves di scolnan cu dependiendo di e docente ta usa un combinacion di Hulandes y Papiamento, hasta scolnan cu ta participa den e proyecto SAM (SEO/Arubano Multilengual).
Desde maart 2022 a crea un grupo di coordinacion di politica linguistica pa coordina e proceso di estableciemto di un politica linguistico integral den educacion. Esaki ta nifica cu nan ta conseha e minister, y despues di su aprobacion, nan ta desaroya un plan di implementacion. E conseh aki ta discuti si lo continua of ahusta e politica linguistico actual.
Den e revision di e educacion na Aruba e grupo di trabou a encontra, e rapport a remarca, cu
actualmente no ta existi un practica linguistico consistente den e veld di enseñansa y a señala e
problemanan cu esaki tabata causa. E recomendacion den e tussenrapport ariba e idioma di
instruccion den e diferente sectornan educativo ta haci un eleccion politico cla pa loke ta trata e
politica linguistico di Aruba.
Segun e rapport ta sigui indica e prestacion y uso di talentonan di e studiantenan di Aruba a
wordo afecta hopi pa e situacion aki cu no ta defini completamente. Aworaki a cuminsa cana e
proceso pa un politica pa implementa SAM na tur e scolnan primario di Aruba, cu Papiamento of
Hulandes como idioma di instruccion, segun e poblacion estudiantil den cuestion. Tambe ta
realisando esfuersonan pa capacita e docentenan di scolnan secundario, y nan ta bay siña con pa
duna instruccion na Hulandes na studiantenan cu Hulandes no ta nan lenga materno.
“E grupo di trabou tin como opinion cu e punto aki ta un eleccion politico. Pais Aruba ta elegi
Hulandes of Papiamento como idioma di instruccion, un modelo multilengual como SAM of otro
modelo. E grupo di trabou ta conseha tuma e decision aki ariba e base di diferente scenarionan cu
ta brinda informacion ariba e condicionnan anterior, e necesidadnan, e efectonan y riesgonan. E
pensamento hipotetico aki a wordo asumi pa e minister di enseñansa mediante e creacion di un
Grupo di Coordinacion di Politica Lingustico,” e rapport a indica.
E grupo di trabou ta balora positivamente e hecho cu un grupo di coordinacion di politica linguistica ta trahando aworaki pa duna forma na e politica linguistico integral y a yega na aucerdonan concreto cu e minister pa brinda su orientacion.
E nucelo di e recomendacion di e grupo di trabou di e doorlichting rapport ta cu e consecuencianan di un posible eleccion di politica ta keda opera pa un escenario estricto pa Directie Onderwijs den consulta cu e grupo di trabou. E grupo di coordinacion di politica linguistica a tuma inventario di e posible opcionnan politico.
E hecho cu a establece un grupo di coordinacion di politica linguistica cu ta enfoca exclusivamente den brinda conseho na minister ariba e politica linguistica cu mester sigui y cu tambe tin e tarea di redacta un plan di implementacion bao direccion di e minister, ta ofrece oportunidadnan.
E informacion colecta pa e grupo di coordinacion di politica linguistica for di practicamente tur e partidonan interesa den educacion y den e mercado laboral na Aruba, ta proporciona informacion pa pone den practica e escenario
E grupo di trabou ta remarca cu e evaluacion di SAM, Project SEO/Multilingual (PSML), por sirbi como recurso pa e escenario aki. E evaluacion aki a proporciona informacion ariba e obstaculonan y e condicionnan anterior necesario pa ofrece educacion primario den lenga materno dominante: un escenario importante cu minister tin den mente. E grupo di trabou ta recomenda elabora un escenario di e tipo aki di e manera mas concreto posible.
E escenarionan ta brinda informacion ariba e oportunidad-, riesgo- y condicionnan, y ta aclaria e corelacion di e eleccionnan.. Por ehemplo, e introducion den educacion preparatorio y primario multilingue na tur e scolnan, como tambe e establecimento di e rekisitonan pa e calidad di instruccion den un idioma cu no ta e lenga materno, ta rekeri habilidadnan specifico di e maestronan.
Esaki tin consecuencianan inmediato pa e formacion y e profesionalisacion di e personal di docente. IPA y Universidad di Aruba mester realisa un trabou impportante den e aspecto aki, teniendo na cuenta e asociacion di e programanan di profesornan di Kibrahacha dentro di Reino.
IPA ta un proveedor importante di docentenan den educacion primario. E calidad pedagogico y e habilidadnan linguistico di e docentenan, e grupo di trabou ta enfatisa, ta depende den gran medida di e calidad di IPA. Sin su cooperacion y sin e formacion adecua di e docentenan, un escenario manera SAM no tin poisbilidad di funciona, pero pa tur e escenarionan ta fundamental un bon formacion di e docente of instituto di formacion den servicio.
E señalnan cu e grupo di trabou a ricibi di e clientenan di IPA no semper ta positivo. Hopi biaha ta bisa cu e graduadonan di IPA no tin un dominio suficientemente bon di e idioma Hulandes. Pa hiba e alumnonan di scol primario na un nivel desea di idioma Hulandes, e dominio di e idioma di parti di e maestronan ta indispensabel.
Esaki, nan ta subraya, ta keda un gran desafio pa e grupo di coordinacion di politica linguistica y IPA, y e inversionnan den IPA ta parse cu ta un necesidad den e escenario aki.
Tambe, e pregunta di te ki punto IPA por capacita un cantidad suficiente di maestronan pa educacion di Aruba ta sigui sin respuesta. Ademas di e pregunta di cu si IPA no por satisface e necesidad di personal cualifica, di unda e maestronan mester bin e ora?
Despues di tur cos e grupo di trabou ta spera cu e maestronan por brinda educacion den por lo menos dos idioma, sea cu nan ta bin for di IPA of cu nan ta yega den avion for di Hulanda of otro pais. E grupo di trabou lo desea di wak cu e preguntanan aki y posible solucionnan wordo aborda pa nan por tuma decisionnan firme.
Den opinion di e grupo di trabou, por lo menos e siguiente preguntanan ta importante pa e desaroyo di escenarionan: Cual ta e ambicion di salida di e escenario? Con ta salvaguardia e importancia di un desaroyo sin interupcion y liña di enseñansa continuo? E habilidadnan linguistico di e maestronan ta adecua? E enfoke pedagogico di e maestronan ta adecua? Tin material y metodo di enseñansa disponible cu ta cumpli cu e standard di calidad? Con ta supervisa e implementacion di e politica linguistico? Con ta salvaguardia e rekesitonan legal? Ta existi suficente apoyo entre e mayornan y e scol pa e politica lingustica?
E respuesta pa cada pregunta ta hiba na e discripcion di posible solucion- y alternativanan. Den e rapport provisional e grupo di trabou a diseña dos escenario como ehempel pa perfecciona e ideanan ariba e pensamento aki.
