(CuracaoChronicle) – Tur indicacion a mustra cu mas persona a acudi pa vota e aña aki compara cu ultimo eleccion.
Corsou a bay urna di votacion bao circunstrancianan special. E isla a mira un aumento significante den cantidad di infeccion di coronavirus den dianan recien, principalmente pa motibo di e variante Britanico. E fiesta democratico colorido usual mester tabata mas sobrio e aña aki. Rally di partido, parada ora e lidernan di partido bay vota… tur ta prohibi e aña aki.
Tin 117 urna di votacion na Corsou pa mas di 116mil votado. Centro di votacion a habri pa 8am y cera pa 7pm ora local. Dos ora despues, toque de queda a cuminsa, y politiconan tambe mester a sinta cas warda e resultadonan.
Te cu 12or di merdia, 30,284 persona a vota. Esaki ta nifica cu 26% ya a vota den eleccion e aña aki pa e ora ey. Compara cu eleccion na 2017, na e mesun ora, 25,746 persona a vota. Esaki ta 21%. Mas persona a vota e aña aki den oranan di mainta. Conseho Supremo Electoral ta calcula cu alrededor di 80mil persona lo a vota ayera.
E Conseho ta indica den un resumen cu tabatin algun problema cu e cantidad di polis pa cada centro di votacion, pero a resolve esaki rapidamente. E Conseho a solicita tur hende keda cumpli cu medidanan di Covid-19, incluyendo distancia social y samescholingsverbod.
Tur lider di partido a vota
Pa 8am, Ben Whiteman di Pueblo Soberano tabata e prome votador, y pa 4pm Gilmar Pik Pisas di MFK tabata e ultimo.
Pisas a vota na su pueblo natal di Barber na Banda’bou.
Te ciere di edicion aki, no tabatin indicacion ainda di un ganador. Mas informacion di eleccion na Corsou lo sigui den nos proximo edicion.
