ORANJESTAD – Manera e potretnan aki ta mustra, e dia di ayera e redaccion di Bon Dia Aruba a haya remedinan benta afo den mondi, pero no scondi na un luga cerca di Barcadera, un gran cantidad di remedi cu a ser tira na e luga, un tereno bandona cerca di Ecogas, como un sushi cualkiera.
Pa via di esaki, nos a haya e pregunta si e companianan encarga cu sushi, tanto publico como priva, no ta traha bon na cierto comunidad di Aruba, pa motibo cu esaki no tin splicacion, di con un persona por yega te e luga aki pa hiba tur e sushi cu a saca for di su cas, y laga benta esaki na e luga sin compronde cu lo por causa algun enfermedad pa otro persona, den e caso cu eynan tin algun hangua contamina.
Hopi remedi, tanto pa persona cu mester di antibiotica, como pa persona embarasa, y cu problemanan di riñon a ser haya. E problema ta cu asina tanto remedi a ser lansa den mondi, cu tambe a haya un pochi cu e persona ta uza pa hiba laboratorio pa haci test di orina.
Ademas, redaccion di Bon Dia Aruba a saca basta potret di otro tipo di sushi cu tambe tabata eynan, manera corchon, paña, y algun structura di un cama.
Comunidad di Aruba mester ta un tiki mas consciente di e daño cu lo por causa cu tiramento di sushi riba cualkier caminda di isla, e companianan concerni ta encarga di haci nan trabou, y di mesun manera nan a traha otro luga pa tiramento di sushi special, e pregunta ta, dicon esaki ta existi riba otro caminda?
