Ayera, comunidad riba rednan social a bati alarma pa un cantidad di parha morto cu a haya den area di Bubali. Na e area, Bon Dia Aruba a encontra personal di tanto Fundacion Parke Nacional Aruba como Directie Natuur en Milieu, cu tabata investigando e suceso.
Natasha Silva di FPNA a informa cu nan a ricibi varios melding di parhanan morto den e area. Sinembargo no por a duna mas informacion na e momento aki pa motibo cu ainda ta investigando kico ta e causa di e suceso.
