E cantidad di turtuga cu ta poniendo nan webo na e lamanan di Aruba ta den un disminucion di 5 porciento anualmente, segun Minister di Naturalesa, URsell Arends. El a haci e anuncio aki riba diamars despues di a revisa investigacion haci pa Stichting Turtugaruba, e organisacion local di naturalesa, specialisa den Turtuga.
E organisacion aki ta tuma e tempo pa ehecuta e tarea di conta e cantidad di turtuga riba e lamanan tur aña. Arends a haci un yamado na nos comunidad di Aruba pa nos tur actua y haci mas pa sigura cu un cantidad mas grandi di turtuga por yega nos costa di manera sigur un biaha mas.
Esaki por nifica menos organisacion di fiestanan na lama anochi, accion di limpiesa riba lama cu mas frecuencia, y reduccion di luznan bright na nos costa. Di e manera aki, Arends a expresa, nos por spera di aumenta e crecemento di e 4 especie di turtuga cu ta ser mira regularmente riba nos Isla.
E cantidad di nest haya riba nos Isla tambe ta ser conta anualmente. Den aña 2009, tabatin 154 nest conta, sinembargo den añanan recien e cantidad aki a disminui na algun decenas.
