Segun resumen diario di ayera di Departamento di Salubridad Publico (DVG) relaciona cu pandemia di Covid-19, ayera a registra un morto mas pa e malesa, loke a hiba e total di fayecido pa Covid-19 na Aruba na 51.
DVG a informa cu ayera tabatin 20 persona a recupera. Ademas a registra un total di 28 caso nobo di Covid-19. Di esakinan, 26 ta residente y dos no ta residente. A realisa un total di 606 test na varios localidad na Aruba, incluyendo laboratorio di hospital, laboratorionan priva, y aeropuerto. E tasa di positividad (‘positivity rate’) entre residentenan a keda na 18% ayera.
Ademas e cantidad di caso activo a alcansa 535.
Di su banda, hospital Dr. Horacio Oduber a informa cu tin un total di 14 persona interna. Di esakinan, 8 ta interna den Unidad di Cuido Intensivo, mientras 6 ta isola riba unidad general di covid.
