Segun resumen di Departamento di Salubridad Publico DVG, ayera a registra 391 caso activo, loke ta mustra cu poco poco e medidanan ta dunando resultado y e cantidad di caso activo ta bahando.
DVG ademas a informa cu ayera 81 persona a recupera di Covid-19. A registra un total di 21 caso nobo di e malesa causa pa e virus SARS-CoV-2, di cual 2 no ta residente. Cu esaki, e cantidad di caos activo a keda na 91 y e cantidad di fayecido relaciona cu Covid-19 ta 92.
Igualmente, a informa cu ayera a ehecuta un total di 460 test na e diferente localidadnan na Aruba, entre otro, laboratorio di hospital, laboratorionan priva, y aeropuerto. E tasa di positividad, ‘positivity rate’, entre nos residentenan ta 37%.
Di su banda, Hospital Dr. Horacio Oduber ta informa cu tin un cantidad total di 41 persona interna den hospital. Di esakinan, 18 ta den Unidad di Cuido Intensivo (ICU), mientras 23 ta isola riba piso general di Covid.
